പൗരത്വ നിയമ ഭേദഗതി; ചോദ്യങ്ങളോട് ഇന്ത്യൻ നായകൻ വിരാട് കോഹ്ലിയുടെ പ്രതികരണം ഇതായിരുന്നു

ഗുവാഹത്തി: പൗരത്വ നിയമ ഭേദഗതിയുമായി ബന്ധപ്പെട്ട ചോദ്യങ്ങളോട് പ്രതികരണവുമായി ഇന്ത്യൻ നായകൻ വിരാട് കോഹ് ലി.

പൗരത്വ നിയമഭേദഗതിയെ കുറിച്ച് തനിക്ക് വ്യക്തമായ അറിവ് ഇല്ലാത്തതിനാൽ പ്രതികരിക്കുന്നില്ലെന്നാണ് കോഹ് ലി പറഞ്ഞത്.

ഗുവാഹത്തിൽ ഇന്ത്യ - ശ്രീലങ്ക ട്വന്റി20ക്ക് മുന്നോടിയായി മാധ്യമങ്ങളോട് സംസാരിക്കവെയാണ് കോഹ് ലി ഇക്കാര്യം വ്യക്തമാക്കിയത്.

മാധ്യമ പ്രവർത്തകരുടെ ചോദ്യങ്ങളോട് വളരെ കരുതലോടെയായിരുന്നു കോഹ് ലി പ്രതികരിച്ചത്

ഒരുകാര്യത്തെ കുറിച്ച് പൂർണമായ അറിവോടുകൂടിയാണ് സംസാരിക്കേണ്ടത്. പൗരത്വ നിയമത്തെ കുറിച്ച് എനിക്ക് കൂടുതലൊന്നും അറിയില്ല. അതുകൊണ്ട് അതിനെ കുറിച്ച് അഭിപ്രായം പറയാൻ ഞാൻ ആളല്ല. അത് ഉചിതമല്ല- കോഹ് ലി പറഞ്ഞു.

വളരെ സെൻസിറ്റീവായ വിഷയത്തിൽ പ്രതികരിച്ച് വിവാദമുണ്ടാക്കാൻ തയ്യാറല്ലെന്നും കോഹ് ലി പറഞ്ഞു.

എന്തെന്നാൽ നിങ്ങൾ ഒന്ന് പറയുന്നു. മറ്റൊരാൾ വേറൊന്ന് പറയുന്നു. അതിനാൽ എനിക്ക് വ്യക്തമായ അറിവില്ലാത്ത ഒന്നിനെ കുറിച്ച് ഉത്തരവാദിത്വമില്ലാതെ പ്രതികരിക്കാൻ ഞാൻ തയ്യാറല്ല- കോഹ്ലി വ്യക്തമാക്കി.

[caption id="attachment_113147" align="alignnone" width="877"] ഈ വിഷയത്തിൽ പ്രതികരിക്കേണ്ടത് തന്റെ ഉത്തരവാദിത്വമല്ലെന്നും കോഹ്ലി കൂട്ടിച്ചേർത്തു.

അസമിൽ ഏതെങ്കിലും തരത്തിൽ പ്രശ്നമുള്ളതായി തോന്നുന്നില്ലെന്നും ഗുവാഹത്തി സുരക്ഷിതമാണെന്നും കോഹ്ലി പറഞ്ഞു. പൗരത്വ നിയമ ഭേദഗതിയിലെ പ്രതിഷേധങ്ങളുടെ പശ്ചാത്തലത്തിൽ മത്സരത്തിന് ശക്തമായ സുരക്ഷയാണ് ഒരുക്കിയിരിക്കുന്നത്.