Copa America | കോപ്പയിലെ ആവേശം കോലാപ്പൂരിലെ തെരുവുകളില്‍
കോപ്പ അമേരിക്ക കപ്പിന് സാദൃശ്യമുള്ള കപ്പ് ഉയര്‍ത്തി പിടിച്ചുകൊണ്ട് അര്‍ജന്റീന ആരാധകര്‍ ശിവാജിപേട്ടില്‍ വമ്പന്‍ അലര്‍ച്ചയോടെയാണ് അര്‍ജന്റീനയുടെ വിജയത്തെ വരവേറ്റത്.
News18 Malayalam | July 12, 2021, 7:45 PM IST
1/ 8
28 വര്‍ഷം നീണ്ട അര്‍ജന്റീനയുടെ കിരീട വരള്‍ച്ചയ്ക്ക് അറുതി വരുത്തിയ നായകന്‍ എന്ന വിശേഷണമാണ് ഇപ്പോള്‍ ലയണല്‍ മെസ്സിക്ക് ലോകമെമ്പാടുമുള്ള ആരാധകര്‍ ചാര്‍ത്തി നല്‍കുന്നത്. കിരീടങ്ങളാല്‍ സമ്പന്നമായ കരിയര്‍ എന്നും വിമര്‍ശനങ്ങള്‍ ഏറ്റു വാങ്ങിയത് ഒറ്റക്കാരണത്താലായിരുന്നു. 'ക്ലബ്ബിന് വേണ്ടി കിരീടങ്ങള്‍ നേടുമ്പോഴും രാജ്യത്തിനായി കിരീടം നേടാനാകുന്നില്ല.'
2/ 8
ഒടുവില്‍ ഫുട്ബോള് ദൈവങ്ങള്‍ മെസ്സിക്ക് മുന്നില്‍ കണ്ണു തുറന്നിരിക്കുന്നു. ലോക ഫുട്ബോളിലെ എല്‍-ക്ലാസ്സിക്കോ പോരാട്ടത്തിനാണ് മാറക്കാന സ്റ്റേഡിയം വേദിയായത്.
3/ 8
കോപ്പ അമേരിക്കയ്ക്ക് സമാനമായ ആവേശമാണ് മഹാരാഷ്ട്രയിലെ കോഹ്ലാപൂരിലെ രണ്ടു തെരുവുകളിലും അരങ്ങേറിയത്. കോലാപ്പൂരിന്റെ ഫുട്ബോള് ചരിത്രത്തില്‍ വളരെയേറെ പ്രസിദ്ധമായ രണ്ട് പേരുകളാണ് മംഗള്‍വാര്‍ പേട്ടും, ശിവാജി പേട്ടും.
4/ 8
ഫുട്‌ബോളിന്റെ കാര്യത്തില്‍ ചിരവൈരാഗികളാണ് ഇരു തെരുവുകളും. കോപ്പ അമേരിക്ക കപ്പിന് സാദൃശ്യമുള്ള കപ്പ് ഉയര്‍ത്തി പിടിച്ചുകൊണ്ട് അര്‍ജന്റീന ആരാധകര്‍ ശിവാജിപേട്ടില്‍ വമ്പന്‍ അലര്‍ച്ചയോടെയാണ് അര്‍ജന്റീനയുടെ വിജയത്തെ വരവേറ്റത്.
5/ 8
അതേസമയം ബ്രസീലിന്റെ തോല്‍വി ബ്രസീല്‍ ആരാധകര്‍ തിങ്ങിനിറഞ്ഞ മംഗള്‍വാര്‍ പേട്ടിനെ നിര്‍ജ്ജീവമാക്കി.
6/ 8
കോപ്പ അമേരിക്ക ഗ്രാഫിറ്റി ചിത്രങ്ങളാല്‍ നിറഞ്ഞതാണ് കോലാപ്പൂരിന്റെ ചുവരുകളെല്ലാം. ശിവാജിപേട്ടിലെയും മംഗള്‍വാര്‍പേട്ടിലെയും താമസക്കാര്‍ അവരുടെ പ്രിയപ്പെട്ട ഫുട്ബോള് താരങ്ങളുടെയും ടീമുകളുടെയും മനോഹരമായ ചിത്രകലകള്‍ അവരുടെ വീടുകളുടെയും തെരുവുകളുടെയും ചുവരുകളില്‍ വരച്ചുവെച്ചിരുന്നു.
7/ 8
ചില തല മൂത്ത ആരാധകര്‍ അവരുടെ വീടുകളുടെ മുന്‍വശത്തെ ചുവരുകളില്‍ സൂപ്പര്‍ താരങ്ങളായ നെയ്മറുടെയും മെസ്സിയുടെയും ചുവര്‍ച്ചിത്രങ്ങളും വരച്ചിരുന്നു.
8/ 8
അര്‍ജന്റീനയുടെ 15ആം കോപ്പ അമേരിക്ക കിരീടമാണിത്. ഇതോടെ കോപ്പയില്‍ ഏറ്റവും കൂടുതല്‍ കിരീടങ്ങളെന്ന യുറുഗ്വായുടെ നേട്ടത്തിനൊപ്പമെത്താന്‍ അര്‍ജന്റീനയ്ക്കായി. പല തവണ കപ്പിനും ചുണ്ടിനും ഇടയില്‍ രാജ്യാന്തര കിരീടങ്ങള്‍ അനവധി തവണ നഷ്ടമായ ഫുട്ബോള് ഇതിഹാസം മെസ്സിയ്ക്കു ഇത് വലിയ നേട്ടമാണ്.
