Glenn Maxwell Wedding: ഗ്ലെൻ മാക്സ്‌വെലും ഇന്ത്യൻ വംശജ വിന്നി രാമനും വിവാഹിതരായി

ഓസ്ട്രേലിയയുടെ സ്റ്റാർ ഓൾ റൗണ്ടറും ഐപിഎല്ലിൽ (IPL) റോയൽ ചലഞ്ചേഴ്സ് ബെംഗളൂരു താരവുമായ ഗ്ലെൻ മാക്‌സ്‌വെൽ (Glenn Maxwell) വിവാഹിതനായി. ഏറെക്കാലമായി പ്രണയത്തിലായിരുന്ന ഇന്ത്യൻ തമിഴ് വംശജ വിന്നി രാമനെയാണ് മാക്സ്‌വെൽ മിന്നുകെട്ടിയത്. (ചിത്രത്തിന് കടപ്പാട്: ഇൻസ്റ്റാഗ്രാം)

മാർച്ച് 18 വെള്ളിയാഴ്ച്ച ഓസ്‌ട്രേലിയയിൽ ക്രിസ്ത്യൻ മതാചാരപ്രകാരമാണ് വിവാഹ ചടങ്ങുകൾ നടന്നത്. വിവാഹം കഴിഞ്ഞ് ‘മിസ്റ്റർ ആൻഡ് മിസസ് മാക്‌സ്‌വെൽ’ എന്ന അടികുറിപ്പോടെ ഫോട്ടോ സോഷ്യൽ മീഡിയയിൽ ദമ്പതികൾ പങ്കുവെച്ചു. (ചിത്രത്തിന് കടപ്പാട്: ഇൻസ്റ്റാഗ്രാം)

ഹിന്ദു മതാചാര മാർച്ച് 27ന് ഇന്ത്യയിൽവെച്ച് വിവാഹം ചടങ്ങുകൾ വീണ്ടും നടത്തും. ഇതിനകം മാക്സ്‌വെൽ, വിനി രാമൻ‌ എന്നിവരുടെ തമിഴ് കല്യാണക്കുറി സോഷ്യൽ മീഡിയയിൽ വൈറലായിരുന്നു. (ചിത്രത്തിന് കടപ്പാട്: ഇൻസ്റ്റാഗ്രാം)

തമിഴ്‌നാട്ടിലെ ദമ്പതികളുടെ മകളായി ഓസ്‌ട്രേലിയയിൽ ജനിച്ചുവളർന്നയാളാണ് വിന്നി രാമൻ. അവിടെ മെഡിക്കൽ വിദ്യാഭ്യാസം പൂർത്തിയാക്കിയ വിന്നി രാമൻ നിലവിൽ ഫാർമസ്യൂട്ടിക്കൽ കമ്പനിയിൽ ജോലി ചെയ്യുന്നു. വർഷങ്ങളായി ഗ്ലെൻ മാക്‌സ്‌വെൽ- വിന്നി രാമൻ എന്നിവർ പ്രണയത്തിലായിരുന്നു. (ചിത്രത്തിന് കടപ്പാട്: ഇൻസ്റ്റാഗ്രാം)

ഗ്ലെൻ മാക്‌സ്‌വെല്ലും വിന്നി രാമനും 2013-ൽ ആണ് ആദ്യമായി പരിചയപ്പെട്ടത്. മെൽബോൺ സ്റ്റാർസ് ഇവന്റിൽ കണ്ടുമുട്ടയ ഇരുവരും 2017 മുതൽ പ്രണയത്തിലാണ്. അടുത്തിടെയാണ് ഇരുവരും വിവാഹിതരാകുന്നുവെന്ന വാർത്ത പുറത്തുവന്നത്. (ചിത്രത്തിന് കടപ്പാട്: ഇൻസ്റ്റാഗ്രാം)

വിന്നി രാമനോടൊപ്പമുള്ള ഫോട്ടോകൾ പല തവണ ഗ്ലെൻ ഗ്ലെൻ മാക്‌സ്‌വെൽ സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. 2020 ഫെബ്രുവരിയിൽ ഗ്ലെൻ മാക്‌സ്‌വെല്ലും വിനി രാമനും തമ്മിലുള്ള വിവാഹനിശ്ചയം നടന്നു. അതേ വർഷം കല്യാണം നടത്താൻ ഇരുന്നതായിരുന്നു. എന്നാൽ കൊവിഡ് കാരണം കല്യാണം മാറ്റിവെക്കുകയായിരുന്നു (ചിത്രത്തിന് കടപ്പാട്: ഇൻസ്റ്റാഗ്രാം)

മാക്‌സ്‌വെൽ, വിന്നി രാമൻ വിവാഹത്തിന് ഇന്ത്യയിൽനിന്നുള്ള ക്രിക്കറ്റ് താരങ്ങളായ കെഎൽ രാഹുൽ, യസ്വേന്ദ്ര ചാഹൽ, അദ്ദേഹത്തിന്റെ ഭാര്യ ധനശ്രീ വർമ്മ, മയാങ്ക് അഗർവാൾ ഭാര്യ അശിത സൂദ് തുടങ്ങിയവർ ആശംസകൾ അറിയിച്ചു. (ചിത്രത്തിന് കടപ്പാട്: ഇൻസ്റ്റാഗ്രാം)