FIFA World Cup 2022| ഖത്തർ ലോകകപ്പിലെ ഈ നിമിഷം നിങ്ങളുടെ ഓർമയിലുണ്ടോ?

അർജന്റീനയെ ഞെട്ടിച്ച സൗദി: ഈ ലോകകപ്പിൽ അർജന്റീനയുടെ കണ്ണീർ വീണ മത്സരമാണ് സൗദിക്കെതിരെയുള്ളത്. ലുസെയ്ൽ സ്റ്റേഡിയത്തിൽ ആദ്യ പകുതിയിൽ ലയണൽ മെസി നേടിയ പെനാൽറ്റിയുടെ ആത്മവിശ്വാസത്തിൽ നിന്ന അർജന്റീനയെ ഞെട്ടിച്ച് രണ്ടാം പകുതിയിൽ അഞ്ച് മിനിറ്റിനിടെ രണ്ടു ഗോൾ തിരിച്ചടിച്ചാണ് സൗദി മറുപടി നൽകിയത്. (Photo by Odd ANDERSEN / AFP)

ഗ്രൂപ്പ് എച്ച് മത്സരത്തിൽ ഘാനയ്‌ക്കെതിരെ ഉറുഗ്വായ് മറ്റൊരു ഗോൾ നേടില്ലെന്ന് പ്രതീക്ഷിച്ച് കൊറിയൻ കളിക്കാർക്ക് മധ്യ സർക്കിളിൽ ഫോണുകളിൽ ഉറ്റുനോക്കിക്കൊണ്ട് ഏകദേശം 10 മിനിറ്റ് ആശങ്കയോടെയുള്ള നിൽപ്പ്. ഒടുവിൽ, അവസാന 16-ാം സ്ഥാനം ഉറപ്പിച്ചതിന്റെ ആഘോഷം. (AP Photo/Darko Bandic)

ലോകകപ്പിൽ അനശ്വരമായ നിരവധി ഓർമകൾ സമ്മാനിച്ച മെസിയെന്ന അത്ഭുതത്തിന്റെ മറ്റൊരു മാജിക്. ക്രോയേഷ്യക്കെതിരായ സെമി ഫൈനലിൽ ജോസ്കോ ഗാർഡിയോളിനെ കബളിപ്പിച്ച് മെസിയുടെ ട്വിസ്റ്റും അർജന്റീനയുടെ മൂന്നാമത്തെ ഗോളും പിറന്ന നിമിഷം. 3-0 നാണ് ക്രൊയേഷ്യയെ അർജന്റീന തകർത്തത്. (Twitter)

ആ പൊട്ടിക്കരച്ചിൽ എങ്ങനെ മറക്കും. ലോകം കണ്ട ഏറ്റവും മികച്ച ഫുട്ബോളർ തന്റെ അവസാന ലോകകപ്പിൽ നിന്ന് പുറത്തായി കണ്ണീരോടെ മടങ്ങിയ കാഴ്ച്ചയാകും ഈ ലോകകപ്പിൽ എക്കാലവും ഓർത്തിരിക്കുക. ക്വാർട്ടർ ഫൈനലിൽ മൊറോക്കോയോട് പരാജയപ്പെട്ട് പോർച്ചുഗൽ മടങ്ങുമ്പോൾ ലോകം മുഴുവൻ വിങ്ങിപ്പൊട്ടിയത് ക്രിസ്റ്റ്യാനോ റൊണാൾഡോ എന്ന ഇതിഹാസത്തെ ഓർത്തായിരിക്കും. (AP Photo)

കോസ്റ്റാറിക്കയ്‌ക്കെതിരായ ജർമ്മനിയുടെ അവസാന ഗ്രൂപ്പ് ഇ പോരാട്ടം നിയന്ത്രിച്ച ഫ്രഞ്ച് വനിത സ്റ്റെഫാനി ഫ്രാപ്പാർട്ട്. പുരുഷ ലോകകപ്പ് നിയന്ത്രിക്കുന്ന ആദ്യ വനിതാ റഫറിയായി സ്റ്റെഫാനി.(AP Image)

ഗ്രൂപ്പ് ഘട്ടം മുതൽ നിരവധി അട്ടിമറികൾക്ക് സാക്ഷിയായിട്ടുണ്ട് ഖത്തർ. അക്കൂട്ടത്തിൽ ഓർത്തിരിക്കുന്നതാണ് ഗ്രൂപ്പ് ഘട്ടത്തിൽ ജർമനിയുടെ പരാജയം. ഇത്തിരിക്കുഞ്ഞന്മാർ എന്ന പരിഹസിക്കപ്പെട്ട ജപ്പാനോടായിരുന്നു കരുത്തരായ ജര്‍മനിയുടെ ഞെട്ടിക്കുന്ന തോല്‍വി. (AP Photo/Ebrahim Noroozi)

ഖത്തർ ലോകകപ്പിൽ കണ്ടെത്തിയ കരുത്തന്മാരാണ് മൊറോക്കോ. സെമിയിൽ പരാജയപ്പെട്ടെങ്കിലും അറ്റ്ലസ് സിംഹങ്ങൾ മടങ്ങുന്നത് ഫുട്ബോളിൽ തങ്ങളെ മാറ്റിനിർത്താനാകില്ല എന്ന ശക്തമായ സന്ദേശം നൽകിക്കൊണ്ടാണ്. വൻ പിന്തുണയായിരുന്നു മൊറോക്കോയുടെ ഓരോ മത്സരത്തിനും ഗ്യാലറിയിൽ നിന്ന് ലഭിച്ചത്.

പോളണ്ടിനെതിരായ മത്സരത്തിൽ ഫ്രാൻസ് താരം കിലിയൻ എംബാപ്പെയുടെ രണ്ട് കിടിലൻ ഗോളുകളാണ് പിറന്നത്. പോളണ്ടിനെതിരെ നേടിയ ഇരട്ടഗോളുകളോടെ, ഖത്തർ ലോകകപ്പിലെ ഗോൾ വേട്ടക്കാരിൽ എംബപെ മുന്നിലെത്തി. (AP Photo/Luca Bruno)

മറക്കാനാകുമോ ഗോളും ചുവപ്പ് കാർഡും നേടി വിൻസന്റ് അബൂബക്കറിന്റെ ജേഴ്സി അഴിച്ച് ചിരിച്ചുകൊണ്ടുള്ള മടക്കം. കാമറൂണിന് മുന്നിൽ ബ്രസീൽ എന്ന കരുത്തർ അടിപതറിയ നിമിഷം. നിസ്സാരെന്ന് കരുതി കാമറൂണിനെ നേരിടാൻ പുതിയ ടീമുമായി ഇറങ്ങിയ ബ്രസീലിന് കനത്തിൽ മറുപടി നൽകി കാമറൂൺ ചരിത്രമായി. ഇഞ്ചുറി ടൈമിൽ എൻഗോം എംബെകെലിയുടെ ക്രോസിൽ വിൻസെന്റ് അബൂബക്കറിന്റെ തകർപ്പൻ ഹെഡർ ബ്രസീലിന്റെ വല കുലുക്കി.(AP Photo)