ഈ നാലുപേർ ചേർന്ന് ഇന്ത്യയെ ജയിപ്പിക്കുമോ? ദക്ഷിണാഫ്രിക്ക കരുതിയിരിക്കുക!

ലോകകപ്പിലെ ആദ്യ മത്സരത്തിനിറങ്ങാൻ ടീം ഇന്ത്യ പൂർണ സജ്ജമായി കഴിഞ്ഞു. നായകൻ വിരാട് കോഹ്ലിയുടെ പരുക്ക് എന്ന ആശങ്ക കൂടി ഒഴിഞ്ഞതോടെ ആത്മവിശ്വാസത്തിലാണ് ഇന്ത്യൻ ക്യാംപ്. വീണ്ടുമൊരു ഇന്ത്യ-ദക്ഷിണാഫ്രിക്ക പോരിന് കളിത്തട്ടൊരുങ്ങുമ്പോൾ ഇന്ത്യയ്ക്ക് നിർണായകമാകുന്നത് നാല് താരങ്ങളായിരിക്കും.

വിരാട് കോഹ്ലി- ലോകത്തിലെ ഏറ്റവും മികച്ച ബാറ്റ്സ്മാൻ. ദക്ഷിണാഫ്രിക്കയ്ക്കെതിരെ മികച്ച റെക്കോർഡ്. എല്ലാ അർത്ഥത്തിലും മാച്ച് വിന്നറായ കോഹ്ലി തിളങ്ങിയാൽ മത്സരം ഇന്ത്യയ്ക്കൊപ്പം നിൽക്കും.

ശിഖർ ധവാൻ- ശിഖർ ധവാൻ നൽകുന്ന മികച്ച തുടക്കം ദക്ഷിണാഫ്രിക്കൻ ബൌളർമാരുടെ സമ്മർദ്ദം അധികമാക്കും. ലോകകപ്പ് പോലെയുള്ള വലിയ ടൂർണമെന്‍റുകളിലെ മികച്ച പ്രകടനം ധവാൻ ആവർത്തിക്കുമോയെന്ന് കാത്തിരുന്ന് കാണാം.

ജസ്പ്രിത് ബൂംറ- കരിയറിലെ ഏറ്റവും മികച്ച ഫോമിലുള്ള ജസ്പ്രിത് ബുംറയുടെ പവർ പ്ലേ ബൌളിംഗ് ഏറെ നിർണായകമായിരിക്കും. എൻഡ് ഓവറുകളിൽ ബൂംറയെ നേരിടുന്നതിൽ ദക്ഷിണാഫ്രിക്കൻ ബാറ്റ്സ്മാൻമാർ പരാജയപ്പെടുമെന്നാണ് ഇന്ത്യൻ ആരാധകർ പ്രതീക്ഷിക്കുന്നത്.

കുൽദീപ് യാദവ്- ദക്ഷിണാഫ്രിക്കൻ ബാറ്റ്സ്മാൻമാർ സ്പിന്നിനെതിരെ ദുർബലരാണെന്നത് ബംഗ്ലാദേശിനെതിരായ മത്സരവും അടിവരയിട്ട് തെളിയിച്ചു. ഇന്ത്യയ്ക്കെതിരെ ദക്ഷിണാഫ്രിക്കയെ സമ്മർദ്ദത്തിലാക്കാൻ പോന്ന ബൌളറാണ് കുൽദീപ് യാദവ്.