ഗെയിൽ താണ്ഡവമാടി; പക്ഷേ അവസാന ചിരി കോഹ്ലിയുടേത്

ഐപിഎല്ലിൽ ആറു തോൽവിക്കൊടുവിൽ ഈ സീസണിലെ ആദ്യ ജയം സ്വന്തമാക്കി റോയൽ ചലഞ്ചേഴ്സ് ബാംഗ്ലൂർ. ക്രിസ് ഗെയിലിന്‍റെ(99) മികവിൽ കിങ്സ് ഇലവൻ ഉയർത്തിയ 174 റൺസ് വിജയലക്ഷ്യം എട്ടു വിക്കറ്റും നാലു പന്തും ശേഷിക്കെയാണ് ബാംഗ്ലൂർ മറികടന്നത്. നായകൻ വിരാട് കോഹ്ലിയും(67) എബിഡിവില്ലിയേഴ്സുമാണ്(പുറത്താകാതെ 59) ബാംഗ്ലൂരിന് മിന്നുംജയം സമ്മാനിച്ചത്.

ക്രിസ് ഗെയിലിന്‍റെ ബാറ്റിങ്. 64 പന്ത് നേരിട്ട ഗെയിൽ 99 റൺസെടുത്ത് പുറത്താകാതെ നിന്നു.

ഒരു റൺസിന് സെഞ്ച്വറി നഷ്ടമായ ഗെയിൽ 10 ബൌണ്ടറികളും അഞ്ച് സിക്സറുകളുമാണ് പറത്തിയത്.

വിരാട് കോഹ്ലിയുടെ തകർപ്പൻ ഷോട്ട്. 53 പന്തിൽനിന്നാണ് കോഹ്ലി 67 റൺസെടുത്തത്.

സിക്സർ പായിച്ച് ഡിവില്ലിയേഴ്സ്. 38 പന്തിൽനിന്നാണ് ഡിവില്ലിയേഴ്സ് 59 റൺസെടുത്തത്.

സീസണിലെ ആദ്യ ജയമാണ് എതിരാളികളുടെ തട്ടകമായ ചണ്ഡിഗഢിൽ ബാംഗ്ലൂർ സ്വന്തമാക്കിയത്.

തുടർ തോൽവികളുടെ പേരിൽ വിമർശനം ഏറ്റുവാങ്ങിയ വിരാട് കോഹ്ലിക്ക് ആശ്വാസമേകുന്നതായിരുന്നു ബാംഗ്ലൂരിന്‍റെ എട്ടുവിക്കറ്റ് ജയം