IPL 2019: ഡൽഹിയെ തകർത്തു; പോയിന്റ് പട്ടികയിൽ ധോണിപ്പട ഒന്നാമത്

ചെന്നൈ: ഡല്‍ഹി ക്യാപിറ്റല്‍സിനെ 80 റണ്‍സിന് തകര്‍ത്ത് ചെന്നൈ സൂപ്പര്‍ കിങ്‌സ് വീണ്ടും ഐപിഎല്‍ പോയിന്റ് പട്ടികയില്‍ ഒന്നാമതെത്തി.

പതിമൂന്ന് കളികളില്‍ നിന്ന് പതിനെട്ട് പോയിന്റുമായാണ് ചെന്നൈ ലീഡ് ചെയ്യുന്നത്.

രണ്ടാം സ്ഥാനത്തുള്ള ഡല്‍ഹിക്ക് പതിമൂന്ന് കളികളില്‍ നിന്ന് പതിനാറ് പോയിന്റാണുള്ളത്.

ആദ്യം ബാറ്റ് ചെയ്ത ചെന്നൈ സുരേഷ് റെയ്‌നയുടെയും ക്യാപ്റ്റന്‍ എം എസ് ധോണിയുടെയും ബാറ്റിങ് മികവില്‍ നാല് വിക്കറ്റ് നഷ്ടത്തില്‍ 179 റണ്‍സ് നേടി.

റെയ്‌ന 37 പന്തില്‍ നിന്ന് 59 ഉം ധോണി പുറത്താകാതെ 22 പന്തില്‍ നിന്ന് 44 ഉം റൺസെടുത്തു

ഡുപ്ലെസ്സി 41 പന്തില്‍ നിന്ന് 39 ഉം രവീന്ദ്ര ജഡേജ 10 പന്തില്‍ നിന്ന് 25 ഉം റണ്‍സെടുത്തു.

ഡല്‍ഹിക്കുവേണ്ടി സുജിത്ത് രണ്ടും മോറിസും അക്‌സര്‍ പട്ടേലും ഓരോ വിക്കറ്റ് വീതവും വീഴ്ത്തി.

മറുപടി ബാറ്റിങ്ങിൽ ഡല്‍ഹി 16.2 ഓവറില്‍ 99 റണ്‍സിന് ഓള്‍ഔട്ടായി. ഈ സീസണില്‍ ഇത് ഡല്‍ഹിയുടെ ഏറ്റവും കുറഞ്ഞ സ്‌കോറാണിത്.

ആകെ സ്കോറിന്റെ ഏതാണ്ട് പകുതിയും നേടി ക്യാപ്റ്റൻ ശ്രേയസ് അയ്യര്‍ ഒരറ്റത്ത് ഒറ്റയ്ക്ക് പൊരുതി നോക്കിയെങ്കിലും മറുതലയ്ക്കല്‍ ആരില്‍ നിന്നും പിന്തുണ ലഭിച്ചില്ല.

31 പന്തില്‍ നന്നി് 44 റണ്‍സാണ് ശ്രേയസ് നേടിയത്. ധവാന്‍ 19 റണ്‍സെടുത്തു. മറ്റുള്ളവര്‍ക്കാര്‍ക്കും രണ്ടക്കം കടക്കാനായില്ല.  2 ഓവറില്‍ 12 റൺസിന് നാലു വിക്കറ്റെടുത്ത ഇമ്രാന്‍ താഹിറും മൂന്നോവറില്‍ ഒന്‍പത് റണ്‍സിന് മൂന്ന് വിക്കറ്റെടുത്ത രവീന്ദ്ര ജഡേജയുമാണ് ഡല്‍ഹിയെ തകര്‍ത്തത്.