IND vs ENG| ഇംഗ്ലണ്ടിനെ എറിഞ്ഞിട്ട് ഷമിയും ബുംറയും, ആദ്യ ദിനത്തിൽ ഇംഗ്ലണ്ട് 183ന് പുറത്ത്; ഇന്ത്യ 21/0

ടോസ് നേടി ബാറ്റിങ് ആരംഭിച്ച ഇംഗ്ലണ്ടിന് തുടക്കത്തിലേ തന്നെ അടിയേറ്റു. ഇംഗ്ലണ്ട് ഓപ്പണർ റോറി ബേൺസിനെ വിക്കറ്റിന് മുന്നിൽ കുരുക്കി ബുംറയാണ് ഇന്ത്യൻ ടീമിന് ആദ്യ ഓവറിൽ തന്നെ മേൽക്കൈ നൽകി. Credits: Twitter| BCCI

ആദ്യ ദിനം കളി നിർത്തുമ്പോൾ വിക്കറ്റ് നഷ്ടം കൂടാതെ 21 റൺസ് എന്ന നിലയിലാണ് ഇന്ത്യ. കെ എൽ രാഹുലും രോഹിത് ശർമയും ഒമ്പത് റൺസ് വീതമെടുത്ത് ക്രീസിൽ നിൽക്കുന്നു

നേരത്തെ ടോസ് നഷ്ടപ്പെട്ടിട്ടും ഇന്ത്യൻ ടീമിന് ആദ്യ ദിനത്തിൽ ഇംഗ്ലണ്ടിന് മേൽ മേൽക്കൈ നേടിയെടുക്കാനായി എന്നത് നേട്ടമാണ്.

ജസ്പ്രീത് ബുംറ (4/26), മുഹമ്മദ് ഷമി (3/28) എന്നിവരുടെ തകർപ്പൻ പ്രകടനങ്ങൾ ഇന്ത്യക്ക് ആദ്യ ദിനത്തിൽ തന്നെ മേധാവിത്വം നൽകി. ഇരുവരുടെയും തകർപ്പൻ പ്രകടനത്തിന് മുന്നിൽ ഇംഗ്ലണ്ട് 183 റൺസിന് പുറത്തായി

ഇംഗ്ലണ്ടിന്റെ റോറി ബേൺസിനെ ബുംറ പൂജ്യത്തിനാണ് പുറത്താക്കിയത്.

ഇംഗ്ലണ്ടിനെ ഇന്ത്യ ചെറിയ സ്‌കോറിൽ ഒതുക്കിയപ്പോൾ ബുംറ നാല് വിക്കറ്റുമായി തിളങ്ങി

ഇന്ത്യൻ ബൗളിങ്ങിന് മുന്നിൽ അല്പമെങ്കിലും പിടിച്ചു നിന്നത് ഇംഗ്ലണ്ട് ക്യാപ്റ്റൻ ജോ റൂട്ടും ജോണി ബെയർസ്റ്റോയുമായിരുന്നു.

ഒരറ്റത്ത് വിക്കറ്റുകൾ വീണു കൊണ്ടിരിക്കുമ്പോഴും റൂട്ട് ശ്രദ്ധയോടെ മുന്നേറി. അർധസെഞ്ചുറിയുമായി 64 റണ്‍സ് നേടിയ റൂട്ടാണ് ഇംഗ്ലണ്ട് നിരയിലെ ടോപ് സ്‌കോറര്‍.

ബുംറക്കൊപ്പം ഇന്ത്യൻ ബൗളിങ്ങിനെ നയിച്ച ഷമി മൂന്ന് വിക്കറ്റുകൾ സ്വന്തമാക്കി.

തന്റെ ആദ്യ ഓവർ മുതലേ പന്തിൽ സ്വിങ് കണ്ടെത്തിയ ഷാർദുൽ ഠാക്കുറും രണ്ട് വിക്കറ്റുകൾ വീഴ്ത്തി മികച്ച പ്രകടനം നടത്തി. 64 റൺസ് നേടി ഇംഗ്ലണ്ടിന്റെ ടോപ് സ്കോററായ ജോ റൂട്ടിനെ ഠാക്കുറാണ് പുറത്താക്കിയത്.

അവസാന സെഷനിൽ തന്റെ സ്പെൽ എറിയാൻ വന്ന ബുംറ ഇംഗ്ലണ്ടിനെ 155/9 എന്ന നിലയിലേക്ക് തള്ളിവിട്ടു.

ജോസ് ബട്ട്ലറെ ബുംറ പൂജ്യത്തിന് പുറത്താക്കിയപ്പോൾ റൂട്ടിനെയും ഇംഗ്ലണ്ട് പേസർ ഒലി റോബിൻസനെയും (0) ഠാക്കുറാണ് പുറത്താക്കിയത്. അതേസമയം, 37 പന്തുകൾ നേരിട്ട് പുറത്താകാതെ 27 റൺസ് നേടിയ യുവതാരം സാം കറൻ ആയിരുന്നു ഇംഗ്ലണ്ട് സ്കോർ 183ൽ എത്തിച്ചത്.

രണ്ടാം വിക്കറ്റില്‍ 42 റണ്‍സ് നേടിയ സാക്ക് ക്രോളി- ഡൊമിനിക് സിബ്ലേ കൂട്ടുകെട്ടിനെ തകര്‍ത്ത് സിറാജാണ് ഇന്ത്യയ്ക്ക് ബ്രേക്ക്ത്രൂ നല്‍കിയത്. 27 റണ്‍സ് നേടിയ ക്രോളിയെയാണ് സിറാജ് പുറത്താക്കിയത്

പിന്നീട് ക്രീസിലൊരുമിച്ച നായകന്‍ ജോ റൂട്ടും ജോണി ബെയര്‍‌സ്റ്റോയും മികച്ച രീതിയില്‍ ഇന്നിങ്‌സ് മുന്നോട്ട് നയിച്ചു. എന്നാല്‍ സ്‌കോര്‍ 138ല്‍ നില്‍ക്കുമ്പോള്‍ ഷമി ബെയര്‍‌സ്റ്റോയെ വീഴ്ത്തി ഇന്ത്യയെ മത്സരത്തിലേക്ക് തിരിച്ചു കൊണ്ടുവന്നു.അഞ്ചാം വിക്കറ്റിൽ റൂട്ടും ബെയർസ്റ്റോയും 72 റൺസാണ് കൂട്ടിച്ചേർത്തത്.

മറുപടി ബാറ്റിങ്ങിനിറങ്ങിയ ഇന്ത്യ കരുതലോടെയാണ് കളിച്ചത്. ഒരിടവേളയ്ക്ക് ശേഷം ടെസ്റ്റ് ടീമിലേക്ക് മടങ്ങിയെത്തിയ കെ എൽ രാഹുൽ  ആത്മവിശ്വാസത്തോടെ ബാറ്റ് വീശിയപ്പോൾ മറുഭാഗത്ത് രോഹിത് ശർമയും  അനായാസം മുന്നേറി.