India Vs WestIndies: വിൻഡീസിനെ ജയിപ്പിച്ചത് അവരുടെ പവർ ഹിറ്റ് ബാറ്റിങ്

തിരുവനന്തപുരം: സിക്സർ മഴ പെയ്യിച്ചായിരുന്നു വിൻഡീസിന്‍റെ വിജയം. ഇന്ത്യൻ ബൌളർമാരുടെ പോരായ്മ തുറന്നുകാട്ടുന്നതായിരുന്നു വിൻഡീസിന്‍റെ ബാറ്റിങ്. ബൌണ്ടറികളേക്കാൾ കൂടുതൽ സിക്സറുകൾ പായിച്ചായിരുന്നു വിൻഡീസ് ആധിപത്യം നേടിയത്.

വിൻഡീസ് ഇന്നിംഗ്സിൽ ആകെ 11 ഫോറാണ് ഉണ്ടായിരുന്നതെങ്കിൽ, ബൌണ്ടറിക്ക് പുറത്തേക്കും ഗ്യാലിയിലേക്കും പന്ത് പറന്നത് 12 തവണയായിരുന്നു. ലെൻഡിൽ സിമ്മൻസ് നാലു സിക്സറുകളും എവിൻ ലൂയിസ്, ഹെറ്റ്മെയർ എന്നിവർ മൂന്നു സിക്സറുകളും പൂരാൻ രണ്ട് സിക്സറുകളും നേടി. 67 റൺസെടുത്ത സിമ്മൻസായിരുന്നു ടോപ് സ്കോറർ.

വിൻഡീസ് ബാറ്റ്സ്മാൻമാർ ആഞ്ഞടിച്ചപ്പോൾ ഏറ്റവുമധികം തല്ല് വാങ്ങിയത് മൂന്ന് ഓവറിൽ 36 റൺസ് വഴങ്ങിയ യുസ്വേന്ദ്ര ചാഹൽ ആയിരുന്നു. ഭുവനേശ്വർകുമാർ നാലോവറിൽ 36 റൺസ് വഴങ്ങി. ദീപക് ചഹാർ 3.3 ഓവറിൽ 35 റൺസും വഴങ്ങി.