53 കൊല്ലത്തിന് ശേഷം യൂറോ കപ്പിൽ അസൂറിപ്പടയുടെ മധുര ചുംബനം; ചിത്രങ്ങളിലൂടെ

53 വർഷത്തിനു ശേഷത്തെ വലിയ ഇടവേളയ്ക്ക് ശേഷമാണ് ഇറ്റലി യൂറോകപ്പിൽ മുത്തമിടുന്നത്. ചരിത്ര നേട്ടം സ്വന്തമാക്കാൻ മോഹിച്ച് വെംബ്ലി സ്റ്റേഡിയത്തിൽ ഇറങ്ങിയ ഇംഗ്ലണ്ടിനെ പെനാൽട്ടി ഷൂട്ടൗട്ടിലേക്ക് നീണ്ട ഫൈനലിൽ ഇംഗ്ലണ്ടിനെ 3-2 ന് കീഴടക്കിയാണ് ഇറ്റലി യൂറോ കപ്പ് കിരീടം സ്വന്തമാക്കിയത്.

1968 നു ശേഷം ആദ്യമായാണ് അസൂറിപ്പട യൂറോ കപ്പ് ഉയർത്തുന്നത്. മറുവശത്ത് 55 വർഷത്തിന് ശേഷം ഒരു കിരീടം നേടാനുള്ള മോഹവുമായി ഇറങ്ങിയ ഇംഗ്ലണ്ട് സ്വന്തം നാട്ടുകാർക്ക് മുന്നിൽ കണ്ണീർകാഴ്ച്ചയായി.

നിശ്ചിതസമയത്തും അധികനേരത്തും ഇരുടീമുകളും ഓരോ ഗോൾ സമനിലയിലായിരുന്നു. തുടർന്ന് പെനാൽറ്റി ഷൂട്ടൗട്ടിലേക്ക് നീണ്ട മത്സരത്തിലാണ് ഇറ്റലി വിജയം നേടിയത്. ഇറ്റലി കളിക്കുന്ന പതിനൊന്നാം യൂറോയിലാണ് ചരിത്ര നേട്ടം. ഇറ്റാലിയൻ ഗോൾ വല ഭദ്രമായി കാത്ത ഡൊണാറുമ്മയാണ് യൂറോയിലെ താരം.

കോച്ച് റോബർട്ടോ മാൻസീനി വരച്ച വരയിലൂടെ കളിച്ച് തുടരെ പരാജയമറിയാതെ 34 മൽസരങ്ങൾ. ഒടുവിൽ വിജയ കിരീടം. ചരിത്ര വിജയം മാൻസിനിക്ക് പൂർണമായും അവകാശപ്പെട്ടതാണ്.

നായകനായും നെടുംതുണായും കൊട്ട കെട്ടിയ കെല്ലിനി. ഇറ്റലിക്കായി ഗോൾ നേടിയ ബൊന്നുച്ചി യൂറോ ഫൈനലിൽ ഗോൾ നേടുന്ന പ്രായം കൂടിയ താരം എന്ന റെക്കോർഡ് കൂടി സ്വന്തമാക്കി.ഇറ്റലിക്കായി ചിറകില്ലാതെ പറന്ന ഡൊണാരുമ്മയാണ് ഈ യൂറോയിലെ മികച്ച താരം.

ഫൈനൽ മത്സരത്തിനായി ഇറങ്ങിയ ഇറ്റലി കഴിഞ്ഞ മത്സരത്തിൽ കളിച്ച അതേ ടീമിനെ നിലനിർത്തിയപ്പോൾ ഇംഗ്ലണ്ട് ഒരു മാറ്റം വരുത്തിയാണ് ഇറങ്ങിയത്. ബുക്കായോ സാക്കയ്ക്ക് പകരം കീറൺ ട്രിപ്പിയർ ടീമിലിടം നേടി. വർണ ശബളമായ സമാപന ചടങ്ങുകൾക്ക് ശേഷമാണ് മത്സരം ആരംഭിച്ചത്.

തുടക്കത്തിൽ ഗോൾ വഴങ്ങിയ ഇറ്റലി ഇംഗ്ലണ്ടിന്റെ വേഗമേറിയ കളിക്ക് മുന്നിൽ പതറിയെങ്കിലും പിന്നീട് അവർ കളിയിലേക്ക് പതിയെ തിരിച്ചുവന്നു. 35ാം മിനിറ്റിൽ ഇറ്റലിയുടെ ഫെഡറിക്കോ കിയേസയുടെ നിലംപറ്റെയുള്ള തകർപ്പൻ ലോങ്റേഞ്ചർ ഇംഗ്ലീഷ് പോസ്റ്റിനെ തൊട്ടുരുമ്മി കടന്നുപോയി.

62ാം മിനിറ്റിൽ കിയേസയുടെ ഗോൾ എന്നുറച്ച ഷോട്ട് താട്ടിയകറ്റി പിക്ഫോർഡും 64ാം മിനിറ്റിൽ ഇംഗ്ലണ്ടിന് ലഭിച്ച സ്റ്റോൺസിൻ്റെ ഹെഡ്ഡർ ഇറ്റാലിയൻ ഗോളി ഡൊണ്ണരുമയെ തട്ടി പുറത്തേക്ക് ഇട്ടു.

പിന്നാലെ 67ാം മിനിറ്റിൽ ബോന്നുച്ചി ഇറ്റലിയെ കളിയിൽ ഒപ്പമെത്തിച്ചു. ഇൻസിനെ എടുത്ത ക്രോസിലേക്ക് വെരാറ്റി ഹെഡ് ചെയ്തു. പന്ത് തട്ടിയിട്ട ഇംഗ്ലണ്ട് ഗോളി പിക്ഫോർഡിന് പക്ഷേ അപകടം ഒഴിവാക്കാൻ കഴിഞ്ഞില്ല. പന്തിലേക്ക് ഒടിയടുത്ത ബൊന്നുച്ചി പന്തിനെ വലയിലേക്ക് തട്ടിയിട്ടു.