പ്രവചനങ്ങളെല്ലാം തെറ്റി; മാഞ്ചസ്റ്റര്‍ സിറ്റിയെ അട്ടിമറിച്ച് ലിയോൺ ചാംപ്യന്‍സ് ലീഗ് സെമിയിൽ

ലിസ്ബൻ: യുവേഫ ചാംപ്യന്‍സ് ലീഗ് ഫുട്‌ബോളില്‍ ഇംഗ്ലീഷ് വമ്പന്‍മാരായ മാഞ്ചസ്റ്റര്‍ സിറ്റിക്കെതിരെ അട്ടിമറി വിജയവുമായി ഫ്രഞ്ച് പോരാളികളായ ലിയോൺ സെമിയിൽ കടന്നു.

ഗാർഡിയോളയുടെ മാഞ്ചസ്റ്റർ സിറ്റിയെ ഒന്നനെതിരെ രണ്ടു ഗോളുകൾക്കാണ് ലിയോൺ മുട്ടുകുത്തിച്ചത്. പ്രീ ക്വാർട്ടറിൽ യുവൻ്റസിനേയും ഫ്രഞ്ചു പട അട്ടിമറിച്ചിരുന്നു. ഒന്നിനെതിരേ മൂന്നു ഗോളുകള്‍ക്കായിരുന്നു ലിയോണിന്റെ വിജയം.

പകരക്കാരനായി ഇറങ്ങി ഇരട്ടഗോളുകള്‍ നേടിയ മൂസ ഡെംബെലെയാണ് ലിയോണിന്റെ ഹീറോ. 79, 87 മിനിറ്റുകളിലായിരുന്നു താരത്തിന്റെ ഗോളുകള്‍. ആദ്യ ഗോള്‍ 34ാം മിനിറ്റില്‍ മാക്‌സ്വെല്‍ കോര്‍ണറ്റിന്റേതായിരുന്നു.

69ാം മിനിറ്റില്‍ കെവിന്‍ ഡിബ്രുയ്‌നയാണ് സിറ്റിയുടെ ആശ്വാസഗോള്‍ മടക്കിയത്. 2009-10നു ശേഷം ലിയോണിന്റെ ആദ്യത്തെ സെമി പ്രവേശനം കൂടിയാണിത്. ഇതു രണ്ടാം സീസണിലാണ് ചാംപ്യന്‍സ് ലീഗില്‍ ലിയോണിനോട് സിറ്റി തോറ്റത്. ഫ്രഞ്ച് ലീഗിൽ ഏഴാം സ്ഥാനക്കാരായി നാണം കെട്ടിടത്ത് നിന്നുള്ള ലിയോണിൻ്റെ കുതിപ്പ് അതിശയകരമാണ്.

സെമിയിൽ ബാഴ്സയെ എട്ടു ഗോളടിച്ചു തോല്പിച്ച ബയേൺ മ്യുണിക്കാണ് സെമിയിലെ എതിരാളികൾ. ലിയോണിന് വേണ്ടി മൂസ ഡെംന്വൽ രണ്ടും മാക്സ്വെൽ കൊമൽ ഒന്നും വീതം ഗോളുകൾ നേടി. കെവിൻ ഡെ ബ്രൂനെ സിറ്റിക്ക് ആശ്വാസ ഗോൾ നേടി.

2018-19 സീസണിലെ ടൂര്‍ണമെന്റിന്റെ ഗ്രൂപ്പുഘട്ടത്തിലും സിറ്റിയെ ഫ്രഞ്ച് ടീം വീഴ്ത്തിയിരുന്നു. അതേസമയം, ചാംപ്യന്‍സ് ലീഗില്‍ ഇതു തുടര്‍ച്ചായി മൂന്നാം തവണയാണ് പെപ് ഗ്വാര്‍ഡിയോളയ്ക്കു കീഴില്‍ സിറ്റിക്കു ക്വാര്‍ട്ടറില്‍ കാലിടറിയത്.

2017-18, 2018-19 സീസണുകളിലും സിറ്റി സെമി കാണാതെ പുറത്തായിരുന്നു. ഇത്തവണ ലിയോണിനെതിരേ സിറ്റിയായിരുന്നു ഫേവറിറ്റുകള്‍. മികച്ച താരനിരയുള്ള സിറ്റി ഫ്രഞ്ച് ടീമിനെ അനായാസം മറികടന്ന് സെമിയില്‍ ബയേണുമായി കൊമ്പുകോര്‍ക്കുമെന്നായിരുന്നു ഫുട്‌ബോള്‍ പ്രേമികളുടെ കണക്കുകൂട്ടല്‍. എന്നാല്‍ എല്ലാ പ്രവചനങ്ങളും തെറ്റിക്കുന്ന പ്രകടനമായിരുന്നു ലിയോണ്‍ കാഴ്ചവച്ചത്.