Glenn maxwell- Vini raman| ഗ്ലെൻ മാക്സ്‌വെലിന്റെ കൈ പിടിച്ച് വിന്നി രാമൻ; ഓസ്ട്രേലിയൻ താരത്തിന്റെ മനംകവർന്ന തമിഴ്നാട്ടുകാരി

കഴിഞ്ഞ ദിവസമാണ് ഓസ്ട്രേലിയയുടെ സ്റ്റാർ ഓൾ റൗണ്ടറും ഐപിഎല്ലിൽ (IPL) റോയൽ ചലഞ്ചേഴ്സ് ബെംഗളൂരു താരവുമായ ഗ്ലെൻ മാക്‌സ്‌വെൽ (Glenn maxwell)വിവാഹിതനായത്. വധു ഇന്ത്യൻ തമിഴ് വംശജയായ വിന്നി രാമനും (Vini raman). മാക്സ്വെല്ലിന്റെ വിവാഹ വാർത്ത പുറത്തു വന്നതു മുതൽ സമൂഹമാധ്യമങ്ങളിലെ താരമാണ് വിന്നി. (Image: Instagram)

വിന്നിയെ കുറിച്ച് കൂടുതൽ അറിയാനുള്ള ശ്രമത്തിലായിരുന്നു ക്രിക്കറ്റ് ആരാധകർ. ഏറെ കാലമായി പ്രണയത്തിലായിരുന്ന ഇരുവരും അടുത്തിടെയാണ് വിവാഹിതരാകാൻ തീരുമാനിച്ചത്. മാക്‌സ്‌വെല്ലിന്റെ തമിഴ് വിവാഹ കുറിയും സോഷ്യൽ മീഡിയയിൽ വൈറലായിരുന്നു. (Image: Instagram)

മാർച്ച് 27ന് ഇന്ത്യയിൽ വെച്ചും വിവാഹം നടക്കും. വിന്നിയുടെ മതാചാര പ്രകാരം പരമ്പരാഗത തമിഴ് ഹിന്ദു ആചാര പ്രകാരമായിരിക്കും വിവാഹം. (Image: Instagram)

തമിഴ്നാട്ടുകാരാണ് വിന്നിയുടെ മാതാപിതാക്കൾ. ഓസ്ട്രേലിയയിൽ ജനിച്ചു വളർന്ന വിന്നി മെഡിക്കൽ വിദ്യാഭ്യാസം പൂർത്തിയാക്കിയ വിന്നി ഫാർമസ്യൂട്ടിക്കൽ കമ്പനിയിലാണ് ജോലി ചെയ്യുന്നത് (Image: Instagram)

2013 മുതൽ പരിചയക്കാരായിരുന്നു വിന്നിയും മാക്‌സ്‌വെല്ലും. മെൽബോൺ സ്റ്റാർസ് ഇവന്റിൽ വെച്ചാണ് ഇരുവരും ആദ്യമായി കണ്ടുമുട്ടുന്നത്. 2017 ലാണ് ഇരുവരും പ്രണയത്തിലാണ്. 2020 ലായിരുന്നു വിവാഹ നിശ്ചയം. (Image: Instagram)

2020 ൽ തന്നെ വിവാഹിതരാകാനായിരുന്നു തീരുമാനമെങ്കിലും കോവിഡ് പ്രതിസന്ധി മൂലം വിവാഹം നീട്ടി വെക്കുകയായിരുന്നു. ഐപിഎൽ മത്സരങ്ങളിലൂടെ ഇന്ത്യയിലും നിരവധി ആരാധകരുള്ള താരമാണ് മാക്‌സ്‌വെൽ. ഇന്ത്യയുടെ മരുമകനായി താരം വരുന്നതിന്റെ സന്തോഷത്തിലാണ് ആരാധകർ. (Image: Instagram)