വിറപ്പിച്ച് മൊറോക്കോ; സൗഹൃദ മത്സരത്തിൽ ബ്രസീലിന് ഞെട്ടിക്കുന്ന തോൽവി (2-1)

ഖത്തർ ലോകകപ്പിന് ശേഷമുള്ള ആദ്യ മത്സരത്തിിൽ‌ തോവിയറിഞ്ഞ് ബ്രസീൽ. മൊറോക്കോയുമായി നടന്ന സൗഹൃദ മത്സരത്തിലാണ് ബ്രസീല്‍ പരായപ്പെട്ടത്. ലോകകപ്പിലെ തകർപ്പൻ പ്രകടനം മൊറോക്കോ ഒരിക്കൽ കൂടി പുറത്തെടുത്തപ്പോൾ ഒന്നിനെതിരെ രണ്ട് ഗോളുകൾക്ക് ബ്രസീൽ വീണു.

സോഫിയാൻ ബൗഫൽ, അബ്ദെൽഹാമിദ് സാബിരി എന്നിവർ മൊറോക്കോയ്ക്കായും കാസമിറോ ബ്രസീലിനായും ഗോൾ നേടി. കൗണ്ടർ അറ്റാക്കുകളിലൂടെ മൊറോക്കോ ബ്രസീലിനെ തലവേദന സൃഷ്ടിച്ചുകൊണ്ടേയിരുന്നു.

ആദ്യ പകുതിയിലെ 29ആം മിനിട്ടിൽ ബൗഫലിലൂടെ മൊറോക്കോ മുന്നിലെത്തി. രണ്ടാം പകുതിയില്‍ 67ആം മിനിട്ടിൽ ലൂകാസ് പക്വേറ്റയുടെ അസിസ്റ്റിൽ നിന്ന് കാസെമിറോ ബ്രസീലിൻ്റെ സമനില ഗോൾ നേടി. 79ആം മിനിട്ടിൽ അബ്ദെൽഹാമിദ് സാബിരി നേടിയ ഗോളിൽ മൊറോക്കോ ലീഡ് തിരിച്ചുപിടിച്ച് ജയം ഉറപ്പിക്കുകയായിരുന്നു.

മത്സരത്തിൽ ബ്രസീലിനു വേണ്ടി റോണി, ആന്ദ്രേ സാന്റോസ് എന്നിവർ അരങ്ങേറ്റം കുറിച്ചു. യുവതാരങ്ങൾക്ക് അവസരം നൽകിയാണ് ബ്രസീൽ ഇറങ്ങിയത്. നെയ്മർ, മാർക്വീഞ്ഞോസ്, റിച്ചാര്‍‌ലിസൺ എന്നിവര്‍ പരിക്കുമൂലം കളിച്ചിരുന്നില്ല.

ടീം: ബ്രസീൽ- ഗോളി: എഡേഴ്സൺ, മൈക്കൽ വെവേർടൺ. ഡിഫൻഡർമാർ: ആർതർ, റോയൽ, അലക്​സ് ടെലസ്, റെനാൻ ലോദി, ഇബാനെസ്, എഡർ മിലിറ്റാവോ, റോബർട്ട് റെനാൻ. മിഡ്ഫീൽഡർമാർ: കാസമീറോ, ആൻഡ്രേ സാന്റോസ്, യൊആവോ ഗോമസ്, ലുകാസ് പക്വേറ്റ, റാഫേൽ വീഗ. ഫോർവേഡ്: ആന്റണി, വിനീഷ്യസ് ജൂനിയർ, റോഡ്രിഗോ, റോണി, വിക്ടർ റോക്.

മൊറോക്കോ: ഗോളി- യാസിൻ ബോനോ, മുനീർ, അഹ്മദ് റിദാ തഗ്നൂതി. പ്രതിരോധം: അശ്റഫ് ഹകീമി, നുസൈർ മസ്റൂഇ, റുമൈൻ സാഇസ്, നായിഫ് അഗ്യൂർഡ്, അശ്റഫ് ദരി, അസ്സുദ്ദീൻ ഉനാഹി, ബിലാൽ ഖാനൂസ്, യഹ്‍യ ജബ്റെയ്ൻ. ഫോർവേഡ്: ഹകീം ​സിയെഷ്,യൂസുഫ് അന്നുസൈരി, സുഫ്യാൻ ബൂഫൽ, സകരിയ അബൂഖലാൽ, ഇസ് അബ്ദു, അമീൻ ഹാരിസ്, ഇല്യാസ് ചായർ, അബ്ദു റസാഖ് ഹംദുല്ല, വലീദ് ചെദീര