കപിൽ ദേവിന്റെ 36 വർഷം പഴക്കമുള്ള റെക്കോഡ് തകർത്ത് പാക് താരം

ഇംഗ്ലണ്ടിൽ ഏകദിനത്തിൽ 150ൽ അധികം റൺ നേടുന്ന ഏറ്റവും പ്രായം കുറഞ്ഞ ക്രിക്കറ്റ് താരമെന്ന റെക്കോർഡ് ഇനി പാകിസ്ഥാൻ ഓപ്പണർ ഇമാമുൽ ഹഖിന് സ്വന്തം.

1983ലെ ലോകകപ്പിൽ തന്റെ 24ാം വയസ്സിലാണ് സിംബാബ് വേക്കെതിരെ കപിൽ ദേവ് പുറത്താകാതെ 175 റണ്‍സ് നേടി ലോക റെക്കോർഡ് സ്വന്തമാക്കിയത്.

കഴിഞ്ഞ ദിവസം ഇംഗ്ലണ്ടിനെതിരായ മത്സരത്തിലാണ് 23 കാരനായ ഇമാമുൽ ഹഖ് 131 പന്തിൽ 151 റൺസെടുത്ത് പുതിയ റെക്കോർഡ‍് സ്വന്തമാക്കിയത്.

ഇമാമുൽ ഹഖിന്റെ ബാറ്റിങ് മികവിൽ പാകിസ്ഥാൻ 50 ഓവറിൽ 359 റൺസ് നേടിയെങ്കിലും മത്സരത്തിൽ ഇംഗ്ലണ്ടാണ് ജയിച്ചത്. ജോണി ബെയർസ്റ്റോയുടെ സെഞ്ചുറിയുടെ മികവില്‍ 31 പന്ത് ശേഷിക്കെയാണ് ആറ് വിക്കറ്റിനാണ് ഇംഗ്ലണ്ട് വിജയം നേടിയത്.

26 ഏകദിനങ്ങൾ മാത്രം കളിച്ചിട്ടുള്ള ഇമാമുൽ ഹഖ് പാകിസ്ഥാനായി ആറ് സെഞ്ചുറികളും അഞ്ച് അർധ സെഞ്ചുറികളും നേടിയിട്ടുണ്ട്.