HBD Narendra Modi കായിക താരങ്ങൾ പ്രധാനമന്ത്രിയ്ക്കു നൽകിയ സമ്മാനങ്ങൾ ലേലത്തിൽ പോയത് വൻതുകയ്ക്ക്

ഫെൻസിങ്: ടോക്യോ ഒളിമ്പിക്സിൽ ഇന്ത്യയെ പ്രതിനിധീകരിച്ച് പങ്കെടുത്ത സി എ ഭവാനി ദേവി ഉപയോഗിച്ച വാൾ ലേലത്തിൽ വെച്ചിട്ടുണ്ട്. ഇന്ത്യക്ക് വേണ്ടി ഒളിമ്പിക്സിൽ ഫെൻസിങ്ങിൽ ആദ്യമായി യോഗ്യത നേടിയ താരമാണ് ഭവാനി ദേവി. ചുവന്ന പിടിയുള്ള ഈ വാളിൽ താരം തന്റെ കയ്യൊപ്പിട്ടുണ്ട്. ഇന്ന് രാവിലെ 10 മണിക്ക് ലേലം ആരംഭിച്ച് ഒരു മണിക്കൂർ പിന്നിട്ടപ്പോഴേക്കും ലേലത്തുക 10 കോടി രൂപയായി ഉയർന്നിട്ടുണ്ട്.  (Image: pmmementos.gov.in)

ബാഡ്മിന്റൺ താരം കൃഷ്ണ സാഗർ ഒപ്പിട്ട റാക്കറ്റിനും 10 കോടി രൂപയുടെ ലേലം വിളി വന്നിട്ടുണ്ട്. ടോക്യോ പാരാലിമ്പിക്‌സിൽ ഈ റാക്കറ്റ് ഉപയോഗിച്ച് മത്സരിച്ചാണ് താരം സ്വർണ മെഡൽ നേടിയത്. ഇത് അദ്ദേഹം പ്രധാനമന്ത്രിക്ക് സമ്മാനമായി നൽകിയിരുന്നു. ടോക്യോ ഒളിമ്പിക്സിൽ ബാഡ്മിന്റണിൽഇന്ത്യക്ക് വേണ്ടി സ്വർണം നേടിയ രണ്ടാമത്തെ താരമാണ് കൃഷ്ണ സാഗർ. അതേസമയം, എസ് എച്ച് 6 വിഭാഗത്തിൽ പാരാലിമ്പിക്‌സിൽ ഇന്ത്യക്കായി സ്വർണം നേടുന്ന ആദ്യ താരമാണ് കൃഷ്ണ സാഗർ  (Image: pmmementos.gov.in)

നീരജ് ചോപ്ര സ്വർണ മെഡൽ എറിഞ്ഞെടുത്ത ജാവലിൻ: ടോക്യോ ഒളിമ്പിക്സിലെ ഇന്ത്യയുടെ ആദ്യ സ്വർണ മെഡൽ നേട്ടം കൈവന്നത് ഈ ജാവലിനിലൂടെയായിരുന്നു. ചരിത്രനേട്ടം ചാർത്തിയ ഈ ജാവലിനിൽ നീരജ് ചോപ്ര തന്റെ ഒപ്പിട്ടിട്ടുണ്ട്. ഒരു കോടിക്ക് മുകളിലാണ് ഈ ജാവലിന് സംഘാടകർ മൂല്യം കല്പിച്ചിരിക്കുന്നത്. സ്മരണികകളുടെ ലേലം അടുത്താണ് മാസം 17ന് അഞ്ച് മണിക്ക് അവസാനിക്കും. (Image: pmmementos.gov.in)

സിന്ധു ഒപ്പിട്ട റാക്കറ്റും ബാഡ്മിന്റൺ ബാഗും: ടോക്യോ ഒളിമ്പിക്സ് വെങ്കലം നേടി തുടർച്ചയായ രണ്ട് ഒളിമ്പിക്സുകളിൽ മെഡൽ സ്വന്തമാക്കുന്ന ഇന്ത്യൻ വനിതാ താരം സ്വന്തമാക്കിയ സിന്ധു പ്രധാനമന്ത്രിക്ക് നൽകിയ ഈ സ്മരണികയുടെ അടിസ്ഥാന തുക 80 ലക്ഷമാണ്.  (Image: pmmementos.gov.in)

Sടോക്യോ ഒളിമ്പിക്സിൽ പങ്കെടുത്ത താരങ്ങൾ ഒപ്പിട്ട ഫലകം : ടോക്യോയിൽ മെഡൽ നേടിയ ഇന്ത്യൻ താരങ്ങൾ ഒപ്പിട്ട ഈ ഫലകത്തിന്റെ അടിസ്ഥാന തുക 90 ലക്ഷമാണ് (Image: pmmementos.gov.in)

രുദ്രാക്ഷ കൺവെൻഷൻ സെന്റർ, വാരണാസി: വാരണാസിയിലെ കൺവെൻഷൻ സെന്ററിന്റെ തനിപ്പകർപ്പായ ഇതിന്റെ അടിസ്ഥാന വില 11ലക്ഷമാണ്. (Image: pmmementos.gov.in)

കേദാർനാഥ് ക്ഷേത്രത്തിനരികെ നിൽക്കുന്ന പ്രധാനമന്ത്രി നരേന്ദ്ര മോദി: ഹരിയാന പബ്ലിക് സർവീസ് കമീഷനിലെ റിട്ട: ഐ പി എസ് ഉദ്യോഗസ്ഥനായ ആർ കെ പഞ്ചനന്ദ നൽകിയ മോദിയുടെ ഈ ഛായാചിത്രത്തിന്റെ അടിസ്ഥാന വില നാല് ലക്ഷമാണ്. (Image: pmmementos.gov.in)

ഇന്ത്യയുടെ ആഗോള വ്യക്തി: വിവിധ ലോക നേതാക്കളുമൊത്തുള്ള മോദിയുടെ കൊളാഷ് ചിത്രങ്ങൾ പ്രധാനമന്ത്രിക്ക് സമ്മാനിച്ചത് വിശ്വ ശാന്തി മഹാസംഘ് പ്രസിഡന്റ് മനോജ് ഗുപ്‌തയാണ്. ഇതിന്റെ അടിസ്ഥാന വില എട്ട് ലക്ഷമാണ് (Image: pmmementos.gov.in)

പ്രധാനമന്ത്രി നരേന്ദ്ര മോദി: നരേന്ദ്ര മോദിയെ വിശ്വത്തിനൊപ്പം ചേർത്ത് വരച്ച ഈ ചിത്രം അദ്ദേഹത്തിൻറെ ശക്തിയും വ്യക്തിത്വവുമാണ് വരച്ചു കാട്ടുന്നത്. മുഹ്‌സിൻ ഷെയ്ഖ് ആണ് മോദിക്ക് ഈ ചിത്രം സമ്മാനമായി നൽകിയത്. അഞ്ച് ലക്ഷം രൂപയാണ് അടിസ്ഥാന വില. (Image: pmmementos.gov.in)

പ്രധാനമന്ത്രി നരേന്ദ്ര മോദി: ബിജെപി ചിഹ്നത്തോടൊപ്പമുള്ള ഈ ഛായാചിത്രത്തിന്റെ അടിസ്ഥാന വില അഞ്ച് ലക്ഷമാണ്  (Image: pmmementos.gov.in)

തിരുപ്പതി ബാലാജി: തിരുപ്പതി ബാലാജിയുടെ ശിൽപം അടങ്ങിയിരിക്കുന്ന ഈ ബംഗാളിലെ പശ്ചിമ മേദിനിപുരിലെ ബിജെപി ഘടകമാണ് പ്രധാനമന്ത്രിക്ക് ഇത് സമ്മാനമായി നൽകിയത്. അഞ്ച് ലക്ഷം രൂപയാണ് ഇതിന്റെ അടിസ്ഥാന വില. (Image: pmmementos.gov.in)

പ്രധാനമന്ത്രി നരേന്ദ്ര മോദിയും സ്വച്ഛ് ഭാരത് അഭിയാനും: 2014 അധികാരത്തിലേറിയപ്പോൾ മാലിന്യ മുക്ത ഇന്ത്യ എന്ന സ്വപ്നം യാഥാർഥ്യമാക്കുവാൻ വേണ്ടി തുടങ്ങിയ പദ്ധതിയാണ് സ്വച്ഛ്‌ ഭാരത് അഭിയാൻ. പ്രധാനമന്ത്രി ഈ പരിപാടിയുടെ ഭാഗമായി തന്റെ പരിസരം വൃത്തിയാക്കുന്നതിൽ കർമനിരതനായി നിൽക്കുന്ന ചിത്രം ഹൈദരാബാദിൽ നിന്നും റിസ്വാൻ അലിയാണ് അദ്ദേഹത്തിന് സമ്മാനിച്ചത്. മൂന്ന് ലക്ഷം രൂപയാണ് ഇതിന്റെ അടിസ്ഥാന വില. (Image: pmmementos.gov.in)

Pമഹാത്മാ ഗാന്ധിയും നരേന്ദ്ര മോദിയുടെയും ചിത്രങ്ങൾ ചേർത്ത പെയിന്റിംഗ്: ത്രിവർണ നിറത്തിന്റെ പശ്ചാത്തലത്തിൽ ഇരുവരുടെയും ചിത്രങ്ങൾ ചേർത്ത് വരച്ച ഈ ചിത്രത്തിന്റെ അടിസ്ഥാന വില 2.5 ലക്ഷമാണ്. (Image: pmmementos.gov.in)

Pപ്രധാനമന്ത്രി നരേന്ദ്ര മോദി അമ്മയോടൊപ്പം: മോദിയെ കുറി തൊടീക്കുന്ന അമ്മയുടെ ചിത്രത്തിന് ഒരു ലക്ഷം രൂപയാണ് അടിസ്ഥാന വിലയായി രേഖപ്പെടുത്തിയിരിക്കുന്നത്. (Image: pmmementos.gov.in)