മെസി ക്രൊയേഷ്യയ്ക്കെതിരെ ഇറങ്ങുമ്പോൾ‌ കാത്തിരിക്കുന്നത് വമ്പൻ റെക്കോർഡുകൾ

ഖത്തര്‍ ലോകകപ്പിലെ ആദ്യ സെമി പോരാട്ടത്തിൽ ക്രോയേഷ്യയെ അർജന്റീന നേരിടുമ്പോൾ ഫുട്ബോള്‍ മിശിഹയെ കാത്തിരിക്കുന്നത് വമ്പൻ റെക്കോർഡുകൾ. ക്രൊയേഷ്യക്കെതിരെയുള്ള മത്സരത്തോടെ മെസിയുടെ ആകെ ലോകകപ്പ് മത്സരങ്ങൾ 25ആകും.

അഞ്ച് ലോകകപ്പ് കളിച്ച ഏക അർജന്‍റൈൻ താരമായി മെസി റെക്കോർഡ് സ്വന്തം പേരിലെഴുതിയിരുന്നു. അർജന്‍റീനയ്ക്കായി ഏറ്റവുമധികം ഗോൾ നേടിയ താരമെന്ന ഗബ്രിയേൽ ബാറ്റിസ്റ്റ്യൂട്ടയുടെ മറികടക്കാൻ മെസിയ്ക്ക് വേണ്ടത് ഇനി ഒരേ ഒരു ഗോൾ മാത്രമാണ്. പത്ത് ഗോളുകളാണ് ഇരുവർക്കുമുള്ളത്.

ഒരു ഗോളിന് കൂടി അടിപ്പിച്ചാൽ അസിസ്റ്റുമായി മറഡോണയുടെ റെക്കോഡിനൊപ്പം എത്താനും മെസിക്കാവും. അർജന്‍റീനയുടെ ജൈത്രയാത്ര ഫൈനൽ വരെയെങ്കിൽ ഏറ്റവുമധികം ലോകകപ്പ് കളിച്ച താരമെന്ന റെക്കോർഡും മെസിക്ക് ഒറ്റയ്ക്ക് സ്വന്തമാക്കാം.

ഇന്ന് അർധരാത്രികഴിഞ്ഞ് 12.30ന് ലുസൈൽ സ്റ്റേഡിയത്തിലാണ് പോരാട്ടം നടക്കുക. അർജന്റീന മെസിയുടെ മികവിൽ പ്രതീക്ഷയർപ്പിക്കുമ്പോൾ ലൂക്കാ മോഡ്രിച്ചാണ് ക്രൊയേഷ്യയുടെ ശ്രദ്ധാകേന്ദ്രം.

ആദ്യകളിയിൽ ദുർബലരായ സൗദി അറേബ്യയോട് പരാജയപ്പെട്ടതിന്റെ നാണക്കേടിൽ നിന്ന് അർജന്റൈൻ അപരാജിത യാത്ര മെസിപ്പടയ്ക്ക് വലിയ ആത്മവിശ്വാസം നൽകുന്നത്. ക്രൊയേഷ്യ- അര്‍ജന്‍റീന സെമി ഫൈനൽ മത്സരം നിയന്ത്രിക്കുക ഇറ്റാലിയൻ റഫറി ഡാനിയേല ഓര്‍സാറ്റാണ്.