ബാഴ്സലോണയിൽ നെയ്മർ തനിക്ക് പകരക്കാരനാകണം; മെസിയുടെ മനസിലിരുപ്പ് പുറത്ത്

ബാഴ്സലോണ: നെയ്മറിനു വേണ്ടി ആവശ്യമെങ്കിൽ ബാഴ്സലോണ വിടാൻ താൻ ഒരുക്കമാണെന്ന് ലയണൽ മെസി. ബാഴ്സലോണയിൽ തനിക്ക് പകരക്കാരനാകാൻ നെയ്മറിനെയാണ് മെസി കണ്ടു വെച്ചിരിക്കുന്നത്. നെയ്മറിനു വേണ്ടി ബാഴ്സലോണ വിടാൻ താൻ തയ്യാറാണെന്ന് നെയ്മറിനെ തന്നെ മെസി അറിയിച്ചെന്നാണ് പുറത്തുവരുന്ന റിപ്പോർട്ടുകൾ.

നെയ്മറിന് അയച്ച വാട്സാപ്പ് സന്ദേശത്തിലാണ് മെസി മനസു തുറന്നിരിക്കുന്നത്. ഒരുമിച്ച് നിന്നാൽ മാത്രമേ നമുക്ക് ചാമ്പ്യൻസ് ലീഗ് വിജയിക്കാൻ പറ്റുകയുള്ളൂ. നീ തിരിച്ചു വരണമെന്ന് ഞാൻ ആഗ്രഹിക്കുന്നു. രണ്ടു വർഷത്തിനുള്ളിൽ, ഞാൻ വിട പറയുകയാണ്, നീ തനിച്ചായിരിക്കും, എന്‍റെ സ്ഥാനം നീ ഏറ്റെടുക്കും' - നെയ്മറിനുള്ള സന്ദേശത്തിൽ മെസി വ്യക്തമാക്കി.

അതേസമയം, മെസിയുടെ ഒഴിവ് നികത്താൻ നെയ്മറിനു മാത്രമേ കഴിയൂവെന്നാണ് ബാഴ്സലോണയും ചിന്തിക്കുന്നത്. കഴിഞ്ഞയിടെ നെയ്മർ തന്‍റെ മുൻ ടീം അംഗങ്ങളായ മെസിയെയും ലൂയി സുവാരസിനെയും കണ്ടിരുന്നു. പി എസ് ജിയിൽ നെയ്മർ അത്ര ഹാപ്പിയല്ലെന്നാണ് റിപ്പോർട്ടുകൾ.