വാമോസ് അർജന്റീന; ഖത്തർ ലോകകപ്പ് പ്രതീക്ഷകൾ ഉയിർത്തെഴുന്നേറ്റ നീലത്തിരമാലകളുടെ ആരവം

ഫിഫ ലോകകപ്പ് ഗ്രൂപ്പ് സിയില്‍ ആദ്യ മത്സരത്തിലെ തോല്‍വിക്ക് ശേഷം അര്‍ജന്റീനയുടെ ഗംഭീര തിരിച്ചുവരവ്. എതിരില്ലാത്ത രണ്ട് ഗോളിനാണ് അര്‍ജന്റീന മെക്‌സിക്കോയെ പരാജയപ്പെടുത്തിയത്. ഗോളും അസിസ്റ്റുമായി തിളങ്ങിയ ക്യാപ്റ്റന്‍ ലിയോണല്‍ മെസിയാണ് അര്‍ജന്റീനയുടെ ഹീറോ. എന്‍സോ ഫെര്‍ണാണ്ടസിന്റെ വകയായിരുന്നു രണ്ടാം ഗോള്‍.

34-ാം മിനിറ്റിൽ ഡീ പോളിനെ അലക്സിസ് വേഗ ഫൗൾ ചെയ്തതിനു ലഭിച്ച മെസിയുടെ ഫ്രീ കിക്ക് ഗോളി ഗില്ലർമോ ഒച്ചാവോ തട്ടിമാറ്റി.45 മിനിറ്റിൽ അലെക്സിസ് വേഗയുടെ ഷോട്ട് അർജന്റീനയുടെ ഗോളി എമിലിയാനോ മാർട്ടി‌നെസ് തടഞ്ഞതോടെ ഒന്നാം പകുതി ഗോൾരഹിത സമനില.

രണ്ടാം പകുതിയുടെ തുടക്കത്തിൽ മെസിയെ വീഴ്ത്തിയതിനു ലഭിച്ച ഫ്രീ കിക്ക് മുതലാക്കാൻ സാധികാതെ വന്നതോടെ പിന്നെയും സമ്മർദ്ദമെറി. ഒടുവിൽ അർജന്റീനയെ രക്ഷിക്കാൻ മിശിഹാ തന്നെ അവതരിച്ചു. 63 ആം മിനിറ്റിൽ ഡീ മരിയായുടെ പാസ്സ് മെസിയുടെ മന്ത്രികക്കാലുകൾ ഒച്ചവോയെ മറി കടന്നു.

ആദ്യ മത്സരത്തില്‍ തോറ്റ അര്‍ജന്റീന ഈ ജയത്തോടെ മൂന്ന് പോയിന്റ് സ്വന്തമാക്കി. ഗ്രൂപ്പ് പോയിന്റ് നിലയില്‍ പോളണ്ടിന് പിന്നില്‍ രണ്ടാമതുമെത്തി. സൗദിയാണ് മൂന്നാം സ്ഥാനത്ത്.

ആദ്യ മത്സരത്തില്‍ സൗദിയോട് പരാജയപ്പെട്ട ശേഷം നിരാശയിലായിരുന്ന അര്‍ജന്‍റീന ആരാധകര്‍ക്ക് വലിയ ആശ്വാസം നല്‍കുന്നത് ആണ് മെക്സിക്കോക്കെതിരായ വിജയം