Shoaib Sania | വിവാഹമോചനം നടന്നോ ഇല്ലയോ? ഒടുവിൽ ഷോയ്ബ് തന്നെ ഉത്തരം നൽകുന്നു

ഷോയ്ബ് മാലിക് (Shoaib Malik), സാനിയ മിർസ (Sania Mirza) വിവാഹമോചന വാർത്തകൾ കുറച്ചേറെയായി വാർത്തകളുടെ സ്ഥിരം വിഷയമാണ്. ഇതേക്കുറിച്ച് ഇവരൊഴികെ അടുത്ത സുഹൃത്തുക്കൾ പോലും പ്രതികരിച്ചിരുന്നു. അപ്പോഴും സാനിയയുടെ ജന്മദിനത്തിന് ഷോയ്ബ് ആശംസ അറിയിച്ചുകൊണ്ട് സോഷ്യൽ മീഡിയ പോസ്റ്റിൽ വരികയും ചെയ്തു 

എളുപ്പം അർഥം മനസിലാക്കാൻ സാധിക്കാത്ത തരത്തിലെ സാനിയ മിർസയുടെ ഒരു പോസ്റ്റാണ് വിവാഹമോചന വാർത്തകൾക്കു തിരികൊളുത്തിയത്. ഷോയ്ബ് മാലിക്കിന് പാകിസ്ഥാൻ മോഡലുമായി അടുപ്പമുണ്ട് എന്നും റിപോർട്ടുകൾ വന്നു. ഇതാണത്രേ ദാമ്പത്യ ജീവിതത്തിൽ വിള്ളൽ വീഴാൻ കാരണമെന്നും പറയപ്പെട്ടു. ഇനി ഷോയ്ബ് തന്നെ വിവാഹമോചനത്തെക്കുറിച്ചു പ്രതികരിച്ചത് കേൾക്കാം (തുടർന്ന് വായിക്കുക)

ഷോയ്ബ് മാലിക്, സാനിയ മിർസ ദമ്പതികൾ വിവാഹമോചിതരായി എന്ന് ഷോയ്ബിന്റെ മാനേജ്‌മന്റ് വിഭാഗത്തിലെ അംഗം വ്യക്തമാക്കിയിരുന്നു. ഇതേക്കുറിച്ച് കൂടുതൽ പറയാൻ സാധിക്കില്ല എന്നായിരുന്നു ഇദ്ദേഹത്തിന്റെ നിലപാട്

ഇ-ടൈംസ് റിപ്പോർട്ടിലാണ് ഷോയ്ബ് മാലിക് പ്രതികരിച്ചതായി പരാമർശം. 'ഇത് ഞങ്ങളുടെ വ്യക്തിപരമായ വിഷയമാണ്. ഞാനോ, എന്റെ ഭാര്യയോ ചോദ്യത്തിന് മറുപടി നൽകുന്നില്ല. അത് വിട്ടേക്കൂ,' എന്നാണത്രെ ഷോയ്ബ് പറഞ്ഞത്

വിവാഹമോചന വാർത്തകൾ കത്തിപ്പടരുമ്പോൾ തന്നെ സാനിയയും ഷോയ്ബ് മാലിക്കും പുതിയ റിയാലിറ്റി ഷോ പ്രഖ്യാപിച്ചു. ദി മിർസ, മാലിക് ഷോ എന്നാണ് പരിപാടിക്ക് പേര് നൽകിയത്

ഷോയ്ബ് മാലിക് സാനിയക്ക് പിറന്നാൾ ആശംസ അറിയിച്ചെങ്കിലും, പാർട്ടി ചിത്രങ്ങളിലോ വീഡിയോകളിലോ ഭർത്താവിന്റെ സാന്നിധ്യം ഉണ്ടായിരുന്നില്ല. 2010ൽ വിവാഹിതരായ ഇവർക്ക് ഒരു മകനുണ്ട്

പാകിസ്താനിലെ ആദ്യ ഉറുദു ഒ.ടി.ടി. പ്ലാറ്റ്‌ഫോമായ ഉറുദുഫ്ലിക്സിൽ റിയാലിറ്റി ഷോ അവതരിപ്പിക്കും എന്നായിരുന്നു റിപ്പോർട്ട്