ഇന്ത്യൻ ക്രിക്കറ്റ് ടീം നായകൻ വിരാട് കോലിയുടെ ഭാര്യയും ബോളിവുഡ് നടിയുമായ അനുഷ്ക ശർമയെ അഫ്ഗാൻ ക്രിക്കറ്റ് താരം റാഷിദ് ഖാന്റെ ഭാര്യയാണെന്നു കാണിച്ച് ഗൂഗിളിന് പിഴവ് പറ്റിയത് വാർത്തയായിരുന്നു.
2/ 6
എന്നാൽ ഇപ്പോൾ സമാനമായ മറ്റൊരു പിഴവിലൂടെ വാർത്തകളിൽ ഇടം നേടിയിരിക്കുകയാണ് ഗൂഗിൾ. ക്രിക്കറ്റ് ഇതിഹാസം സച്ചിന്‍ ടെൻഡുൽക്കറുടെ മകൾ സാറ ടെൻഡുൽക്കർ യുവ ക്രിക്കറ്റ് താരം ശുഭ്മാൻ ഗില്ലിന്റെ ഭാര്യയാണെന്നാണ് ഗൂഗിൾ പറയുന്നത്.
3/ 6
അവിവാഹിതനായ ശുഭ്മാൻ ഗില്ലിന്റെ ഭാര്യയുടെ പേര് ഗൂഗിളിൽ തിരഞ്ഞാൽ ലഭിക്കുന്നത് സാറ ടെൻഡുൽക്കർ എന്ന ഉത്തരമാണ്. സാറ ടെൻഡുല്‍ക്കറും ശുഭ്മാൻ ഗില്ലും പ്രണയത്തിലാണെന്ന തരത്തിൽ അഭ്യൂഹങ്ങൾ പ്രചരിച്ചിരുന്നു.
4/ 6
ഇതിനിടെയാണ് സാറയെ ശുഭ്മാന്റെ ഭാര്യയാക്കിക്കൊണ്ടുള്ള ഗൂഗിളിന്റെ അബദ്ധം. അടുത്തിടെ സാറയുടെ 23ാം പിറന്നാളിന് സാറയ്ക്ക് ശുഭ്നമാൻ ആശംസകൾ അറിയിച്ചിരുന്നു. കൂടാതെ ശുഭ്മാന്റെ ചിത്രത്തിന് സാറ ഹൃദയത്തിന്റെ ചിഹ്നം മറുപടിയായി നൽകിയിരുന്നു.
5/ 6
നേരത്തെ ഇരുവരെയും ഒന്നിച്ച് കണ്ടിട്ടുള്ളതായി റിപ്പോർട്ടുകൾ ഉണ്ടായിരുന്നു. ഇതിനു പിന്നാലെയാണ് ഇരുവരും പ്രണയത്തിലാണെന്ന അഭ്യൂഹങ്ങൾ ഉണ്ടായത്. 21 കാരനായ ഗിൽ ഐപിഎൽ മത്സരങ്ങൾക്കായി യുഎഇയിലാണ് കൊൽക്കത്ത നൈറ്റ് റൈഡേഴ്സ് താരമാണ് ഗിൽ.
6/ 6
സാങ്കേതിക പിഴവുകളെ തുടർന്നാണ് ഗൂഗിളിന് ഇത്തരത്തിലൊരു പിഴവ് സംഭവിച്ചിരിക്കുന്നതെന്നാണ് വിവരങ്ങൾ. അഫ്ഗാനിസ്ഥാൻ ലെഗ്സ്പിന്നറും സൺ റൈസേഴ്സ് താരവുമായ റാഷിദ് ഖാന്റെ ഭാര്യയുടെ പേര് ഗൂഗിളിൽ തിരയുമ്പോഴാണ് അനുഷ്ക ശർമയുടെ പേര് കാണിക്കുന്നത്.
