കോലിക്ക് വെജിറ്റേറിയൻ 'സദ്യ'; രോഹിതിന് ട്രാവൻകൂർ 'താലി'

തിരുവനന്തപുരം : റൺ അടിച്ചു കൂട്ടുന്നതിൽ മാത്രമല്ല രുചിയുടെ കാര്യത്തിലും നായകന്റെ വഴിയിലാണ് ഉപനായകനും. ശുദ്ധ വെജിറ്റേറിയനാണ് ക്യാപ്ടൻ കോലി.

കോവളത്തെ റാവിസ് ഹോട്ടലിൽ ജൈവ പച്ചക്കറികൾ ഉപയോഗിച്ചുള്ള വെജിറ്റേറിയൻ സദ്യയാണ് കോലിക്കായി ഒരുക്കിയത്. ഇതുകണ്ട് കൊതിതോന്നിയ രോഹിത് ശർമയും വെജിറ്റേറിയൻ ഭക്ഷണം ആവശ്യപ്പെട്ടു.

ഇതേത്തുടർന്നാണ് റാവിസിലെ സ്പെഷലായ റോയൽ ട്രാവൻകൂർ താലി രോഹിതിന്റെ തീൻമേശയിലെത്തിയത്. ഷെഫ് സുരേഷ് നായരാണ് രോഹിതിനായി താലി തയാറാക്കിയത്.

അങ്ങനെ, വെണ്ടയ്ക്ക തോരൻ, വഴുതനങ്ങ മെഴുക്ക് പുരട്ടി, പരിപ്പു കറി, പപ്പടം, ചമ്മന്തി എന്നിവ ഉൾപ്പെട്ട സമൃദ്ധമായ സ്പെഷൽ നാടൻ സദ്യ തന്നെരോഹിതിനും കിട്ടി.

താലിയുണ്ട് മനം നിറഞ്ഞ രോഹിതിന്റെ ബാറ്റിൽ നിന്ന് കാര്യവട്ടത്ത് സിക്സറുകളുടെ റൺ താലിയാണ് ആരാധകർ ഉറപ്പിക്കുന്നത്.