ഇംഗ്ലീഷ് പ്രീമിയര്‍ ലീഗില്‍ പുതിയ റെക്കോഡ് സ്ഥാപിച്ച് ടോട്ടനത്തിന്റെ ദക്ഷിണകൊറിയന്‍ താരം സണ്‍ ഹ്യുങ് മിന്‍. ഇംഗ്ലീഷ് പ്രീമിയര്‍ ലീഗില്‍ 100 ഗോള്‍ നേടുന്ന ആദ്യ ഏഷ്യന്‍ താരം സൺ സ്വന്തമാക്കി. ബ്രൈട്ടണെതിരായ മത്സരത്തില്‍ ഗോളടിച്ചാണ് സണ്‍ ചരിത്രം കുറിച്ചത്.
2/ 5
കളിയുടെ 10-ാം മിനിറ്റിലാണ് സൺ ഹ്യൂങ്-മിന്നിന്റെ ചരിത്ര ഗോൾ പിറന്നത്. പെരിസിച്ചിന്റെ പാസ് സൺ വലയിലെത്തിക്കുകയായിരുന്നു. വാശിയേറിയ പോരാട്ടത്തിൽ ഒന്നിനെതിരെ രണ്ട് ഗോളുകൾക്ക് ബ്രൈറ്റനെ ടോട്ടൻഹാം പരാജയപ്പെടുത്തി.
3/ 5
30 കാരനായ സണ്‍ ഈ സീസണില്‍ അത്ര മികച്ച പ്രകടനമല്ല പുറത്തെടുത്തിരുന്നത്. മോശം ഫോമിനെ തുടർന്ന് വിമർശനങ്ങൾ നേരിടുന്ന താരത്തിന് ഈ നേട്ടം ഊർജം പകരുന്നതാണ്.
4/ 5
ഇംഗ്ലീഷ് പ്രീമിയര്‍ ലീഗില്‍ 100 ഗോള്‍ നേടുന്ന 34-ാം താരം കൂടിയാണ് സണ്‍. ഈ ഗോള്‍ തന്റെ മുത്തച്ഛന് വേണ്ടി സമര്‍പ്പിക്കുന്നുവെന്ന് സണ്‍ പറഞ്ഞു. 2015-ല്‍ ബയേണ്‍ ലെവര്‍കൂസനില്‍ നിന്നാണ് താരം ടോട്ടനത്തിലെത്തിയത്.
5/ 5
22 മില്യൺ യൂറോയ്ക്കായിരുന്നു കരാർ. അന്നുമുതൽ ഇന്നോളം പ്രീമിയർ ലീഗിലെ ഏറ്റവും ആക്രമണകാരിയായ താരങ്ങളിലൊരാളായി സൺ മാറിയിരുന്നു. സൺ എന്ന താരത്തിന്റെ ബലത്തിലാണ് ഏഷ്യയിലും ദക്ഷിണ കൊറിയയിലും ടോട്ടനം വലിയ ആരാധക പിന്തുണ നേടിയത്.
