UEFA Awards| യൂറോപ്പിലെ ക്ലബ് അവാർഡുകൾ പ്രഖ്യാപിച്ചു; ജോർജീഞ്ഞോ മികച്ച പുരുഷ താരം; മറ്റ് വിജയികൾ ഇവർ

ചെല്‍സിയുടെ ജോര്‍ജീഞ്ഞോയാണ് യൂറോപ്പിലെ ഏറ്റവും മികച്ച പുരുഷ ഫുട്‌ബോള്‍ താരം. ചാമ്പ്യന്‍സ് ലീഗില്‍ ചെല്‍സിക്കായും യൂറോ കപ്പില്‍ ഇറ്റലിക്കായും പുറത്തെടുത്ത മികവാണ് ജോര്‍ജീഞ്ഞോയെ ഈ അവാർഡിന് അർഹനാക്കിയത്. മാഞ്ചസ്റ്റര്‍ സിറ്റിയുടെ കെവിന്‍ ഡിബ്രൂയിനെ, ചെല്‍സിയിലെ സഹതാരം എങ്കോളോ കാന്റെ എന്നിവരെ പിന്തള്ളിയാണ് 29കാരനായ ജോര്‍ജീഞ്ഞോയുടെ നേട്ടം. Credits: Twitter

ബാഴ്‌സേലോണയുടെ സ്പാനിഷ് മിഡ്ഫീല്‍ഡര്‍ അലക്‌സിയ പുറ്റേലാസ് ആണ് മികച്ച വനിതാ താരം. വനിതാ ചാമ്പ്യന്‍സ് ലീഗില്‍ ബാഴ്‌സയെ കിരീടത്തിൽ എത്തിക്കുന്നതിൽ പുറ്റെലാസ് നിർണായക പങ്കുവഹിച്ചിരുന്നു. സീസണിലെ മികച്ച വനിതാ മിഡ്‌ഫീൽഡർ പുരസ്‌കാരവും പുറ്റെലാസ് തന്നെ നേടി. Credits: Twitter

ചെല്‍സിയുടെ എംഗോളോ കാന്റെയെ മികച്ച മിഡ്‌ഫീൽഡർ ആയി തിരഞ്ഞെടുത്തു. Credits: Twitter

ചെല്‍സിക്ക് ചാമ്പ്യന്‍സ് ലീഗ് കിരീടം നേടിക്കൊടുത്ത തോമസ് ടുഷേലാണ് മികച്ച പരിശീലകന്‍. Credits: Twitter

ബാഴ്‌സേലോണയുടെ സാന്ദ്രാ പാനോസ് മികച്ച വനിതാ ഗോൾകീപ്പറായി തിരഞ്ഞെടുക്കപ്പെട്ടു. (Twitter)

ചെല്‍സിയുടെ എഡ്വേര്‍ഡ് മെന്‍ഡിയാണ് പുരുഷന്മാരിലെ മികച്ച ഗോൾകീപ്പർക്കുള്ള പുരസ്‌കാരം നേടിയത്. (Twitter)

ബാഴ്‌സലോണയുടെ ഐറിൻ പരാഡെസ് മികച്ച വനിതാ ഡിഫൻഡർ ആയി തിരഞ്ഞെടുക്കപ്പെട്ടു. Twitter)

മാഞ്ചസ്റ്റർ സിറ്റിയുടെ പോർച്ചുഗീസ് താരമായ റൂബൻ ഡയസാണ് പുരുഷന്മാരിലെ മികച്ച ഡിഫൻഡർ. (Twitter)

മികച്ച ഫോർവേഡ് വിഭാഗത്തിൽ ബാഴ്‌സലോണ വനിതാ ടീമിന്റെ ജെന്നി ഹോർമോസൊയാണ് ഈ പുരസ്കാരം നേടിയത്. (Twitter)

ബൊറൂസിയ ഡോർട്മുണ്ടിന്റെ കൗമാരതാരം ഏർലിങ് ഹാലൻഡ് ആണ് മികച്ച പുരുഷ ഫോർവേഡ്. (Twitter)

ബാഴ്‌സലോണയുടെ ലൂയിസ് കോർട്ടസിനെയാണ് മികച്ച വനിതാ പരിശീലകനായി തിരഞ്ഞെടുത്തത്. (Twitter)