ആരാണ് നേഹൽ വധേര? മുംബൈ ഇന്ത്യൻസിന്റെ യുവ ബാറ്റിങ് സെൻസേഷനെ കുറിച്ച് അറിയാം
പഞ്ചാബിലെ ലുധിയാനയിൽ നിന്നുള്ള ഈ യുവതാരം മുൻ ഇന്ത്യൻ ക്രിക്കറ്റ് താരം യുവരാജ് സിംഗിന്റെ ആരാധകനാണ്. അദ്ദേഹത്തിന്റെ ബാറ്റിംഗ് ശൈലിയും യുവരാജിനോട് സാമ്യമുള്ളതാണ്
ഇന്ത്യൻ പ്രീമിയർ ലീഗില്‍ (ഐപിഎല്‍) ഓരോ സീസണിലും യുവ താരങ്ങൾ പലരും ഉദിച്ചുയരുന്നത് നാം കണ്ടതാണ്. ഇതുവരെ കേൾക്കാത്ത പലപേരുകളും മൈതാനത്തെ മിന്നും പ്രകടനവുമായി കാണികളുടെ ഹൃദയം കവരാറുണ്ട്. ഐപിഎൽ 2023ൽ കഴിഞ്ഞ ദിവസത്തെ പ്രകടനത്തോടെ അത്തരത്തിൽ സെൻസേഷനായി ഉയർന്നുവന്നിരിക്കുന്ന താരമാണ് മുംബൈ ഇന്ത്യൻസിന്റെ യുവ ബാറ്റർ നേഹൽ വധേര.
2023 ഏപ്രിൽ 2 ഞായറാഴ്ച ബെംഗളൂരുവിലെ എം ചിന്നസ്വാമി സ്റ്റേഡിയത്തിൽ മുംബൈ ഇന്ത്യൻസും റോയൽ ചലഞ്ചേഴ്‌സ് ബാംഗ്ലൂരും തമ്മിലുള്ള മത്സരത്തിലാണ് 22 കാരനായ താരം ഐപിഎല്ലിൽ അരങ്ങേറ്റം കുറിച്ചത്. മൈക്കൽ ബ്രേസ്‌വെല്ലിന്റെ ഒരു പന്ത് സമർത്ഥമായി ബൗണ്ടറി നേടി ഇടംകൈയ്യൻ ബാറ്റർ തന്റെ ഐപിഎൽ കരിയർ സ്റ്റൈലായി ആരംഭിച്ചു. പിന്നീടുള്ള തന്റെ ഇന്നിംഗ്‌സിൽ അദ്ദേഹം കർൺ ശർമ്മ തുടർച്ചയായി സിക്‌സറുകൾ പറത്തി. അതിലൊന്ന് ലോംഗ്-ഓണിൽ മേൽക്കൂരയ്ക്ക് മുകളിലൂടെ 101 മീറ്റർ ദൂരമാണ് പറന്നത്. 13 പന്തിൽ 21 റൺസെടുത്താണ് താരം മടങ്ങിയത്.
പഞ്ചാബിലെ ലുധിയാനയിൽ നിന്നുള്ള ഈ യുവതാരം മുൻ ഇന്ത്യൻ ക്രിക്കറ്റ് താരം യുവരാജ് സിംഗിന്റെ ആരാധകനാണ്. അദ്ദേഹത്തിന്റെ ബാറ്റിംഗ് ശൈലിയും യുവരാജിനോട് സാമ്യമുള്ളതാണ്. 2022 ഡിസംബറിൽ നടന്ന മിനി ലേലത്തിൽ മുംബൈ ഇന്ത്യൻസ് അടിസ്ഥാന വിലയായ 20 ലക്ഷം രൂപയ്ക്കാണ് വധേരയെ സ്വന്തമാക്കിയത്. തന്റെ അരങ്ങേറ്റ രഞ്ജി സീസണിൽ ഏഴ് ഇന്നിംഗ്‌സുകളിൽ 53.71 ശരാശരിയിൽ രണ്ട് സെഞ്ചുറികളോടെ 376 റൺസ് അദ്ദേഹം നേടി. 2018-ലെ കൂച്ച് ബെഹാർ അണ്ടർ-19 ട്രോഫിയിൽ ആറ് അർധസെഞ്ചുറികൾ നേടി ദേശീയ സെലക്ടർമാരുടെ ശ്രദ്ധ പിടിച്ചുപറ്റി.
ജനുവരിയിൽ ഗുജറാത്തിനെതിരെ 123 റൺസ് നേടിയ വധേര രഞ്ജി ട്രോഫിയിൽ ഗംഭീരമായ അരങ്ങേറ്റം നടത്തി, നിലവിലെ ചാമ്പ്യന്മാരായ മധ്യപ്രദേശിനെതിരെ 214 റൺസ് നേടി. തന്റെ അരങ്ങേറ്റ രഞ്ജി സീസണിൽ, ഏഴ് ഇന്നിംഗ്‌സുകളിൽ നിന്ന് 53.71 ശരാശരിയിൽ 376 റൺസും രണ്ട് സെഞ്ച്വറികളും അദ്ദേഹം നേടി. കൂടാതെ, ഇന്ത്യക്ക് വേണ്ടിയുള്ള തന്റെ അണ്ടര്‍-19 അരങ്ങേറ്റത്തിൽ ശ്രീലങ്കയ്‌ക്കെതിരെ 81 റൺസിന്റെ മനോഹരമായ ഇന്നിംഗ്‌സ് കളിച്ചു.
