Murali Sreeshankar|ചരിത്രത്തിലേക്ക് ഒരു ലോങ്ജംപ്; ലോക ചാമ്പ്യൻഷിപ്പ് ലോങ്ജംപ് ഫൈനലിൽ മലയാളി എം ശ്രീശങ്കർ

ലോക ചാമ്പ്യൻഷിപ്പിൽ (World Championships)ഇന്ത്യയുടെ അഭിമാനമായി മലയാളി താരം മുരളി ശ്രീശങ്കർ (Murali Sreeshankar). പുരുഷന്മാരുട‌െ ലോങ്ചംപിൽ ശ്രീശങ്കർ ഫൈനലിലേക്ക് കടന്നു. 8 മീറ്റർ ദൂരം ചാടിയാണ് പാലക്കാട് സ്വദേശിയായ എം ശ്രീ ശങ്കർ യോഗ്യത നേടിയത്. (Image: Instagram)

ലോകചാമ്പ്യൻഷിപ്പിൽ ലോങ്ജംപിൽ ഫൈനലിൽ എത്തുന്ന ആദ്യ ഇന്ത്യൻ പുരുഷ താരമാണ് എം ശ്രീശങ്കർ. ലോക റാങ്കിങ്ങിൽ പതിമൂന്നാം സ്ഥാനത്തുള്ള ശ്രീശങ്കർ ഇന്ത്യയുടെ മെഡൽ പ്രതീക്ഷയാണ്. നാളെ രാവിലെ 6.50നാണ് ഫൈനൽ. (image: Instagram)

കഴിഞ്ഞ ലോക അത്ലറ്റിക് മീറ്റിലും ടോക്യോ ഒളിംപിക്സിലും പങ്കെടുത്ത ശിവശങ്കർ മികച്ച ഫോമിലാണ്. മലയാളി താരമായ മുഹമ്മദ് അനസ് യഹിയക്കും തമിഴ്നാട് താരം ജസ്വിൻ ആൽഡ്രിനും യോഗ്യത നേടാനായില്ല. (Image: Instagram)

8 മീറ്റർ ചാടി ശ്രീശങ്കർ നേരിട്ട് ഫൈനലിലേക്ക് യോഗ്യത നേടിയപ്പോൾ മുഹമ്മദ് അനസിന് 7.73 മീറ്ററും ആൽഡ്രിന് 7.79 മീറ്ററുമാണ് മറികടക്കാനായത്. 23 കാരനായ ശ്രീശങ്കർ മാത്രമാണ് യോഗ്യത നേടിയ ഏക ഇന്ത്യൻ താരം.

അതേസമയം, സ്റ്റീപ്പിൾചേസിൽ ഇന്ത്യയുടെ അവിനാഷ് സെബലും മെഡൽ പ്രതീക്ഷ നൽ‌കുന്നുണ്ട്. 3000 മീറ്റർ സ്റ്റീപ്പിൾചേസിൽ അവിനാഷ് മെഡൽ റൗണ്ടിലേക്ക് യോഗ്യത നേടി. യോഗ്യതാ റൗണ്ടിൽ 8:18.75 സമയം കൊണ്ട് പിന്നിട്ട് മൂന്നാമതായാണ് അവിനാഷ് ഫിനിഷ് ചെയ്തത്. (Image: Instagram)