G20 Summit 2021: റോമിൽ ലോകനേതാക്കൾക്കൊപ്പം പ്രധാനമന്ത്രി നരേന്ദ്ര മോദി; ചിത്രങ്ങൾ കാണാം

റോമിൽ ജി 20 ഉച്ചകോടിക്കിടെ പ്രധാനമന്ത്രി നരേന്ദ്ര മോദി ശനിയാഴ്ച യുഎസ് പ്രസിഡന്റ് ജോ ബൈഡൻ ഉൾപ്പെടെയുള്ള ലോക നേതാക്കളുമായി ആശയവിനിമയം നടത്തി. വിവിധ വിഷയങ്ങളെ കുറിച്ച് വിവിധ രാഷ്ട്രത്തലവൻമാരുമായി പ്രധാനമന്ത്രി ചർച്ച നടത്തി. ലോകനേതാക്കളുമൊത്തുള്ള ചിത്രങ്ങൾ പ്രധാനമന്ത്രി ട്വിറ്ററിൽ പങ്കുവെച്ചു. ചിത്രങ്ങളിൽ, പ്രധാനമന്ത്രി മോദി ബൈഡൻ, ഫ്രഞ്ച് പ്രസിഡന്റ് ഇമ്മാനുവൽ മാക്രോൺ, യുകെ പ്രധാനമന്ത്രി ബോറിസ് ജോൺസൺ, കനേഡിയൻ പ്രധാനമന്ത്രി ജസ്റ്റിൻ ട്രൂഡോ എന്നിവരുമായി സൌഹൃദം പങ്കിടുന്നത് കാണാം..

ഇറ്റലിയിലെ റോമിൽ നടക്കുന്ന ജി20 ഉച്ചകോടിയിൽ ഫ്രഞ്ച് പ്രസിഡന്റ് ഇമ്മാനുവൽ മാക്രോണിനെ പ്രധാനമന്ത്രി അഭിവാദ്യം ചെയ്യുന്നു.

പ്രധാനമന്ത്രി നരേന്ദ്ര മോദി ഇറ്റലിയിലെ റോമിൽ യുഎസ് പ്രസിഡന്റ് ജോ ബൈഡന് ഒപ്പം

ഇറ്റലിയിലെ റോമിൽ നടക്കുന്ന ജി20 ഉച്ചകോടിയിൽ ഫ്രഞ്ച് പ്രസിഡന്റ് ഇമ്മാനുവൽ മാക്രോണുമായി പ്രധാനമന്ത്രി നരേന്ദ്ര മോദി സൌഹൃദ സംഭാഷണം നടത്തുന്നു...

റോം ഉച്ചകോടിയിൽ ജി 20 അംഗരാജ്യങ്ങളുടെയും യൂറോപ്യൻ യൂണിയന്റെയും മറ്റ് ക്ഷണിക്കപ്പെട്ട രാജ്യങ്ങളുടെയും നിരവധി അന്താരാഷ്ട്ര സംഘടനകളുടെയും രാഷ്ട്രത്തലവന്മാർക്കുമൊപ്പം പ്രധാനമന്ത്രി നരേന്ദ്ര മോദി

ലോകത്തിലെ പ്രധാന സാമ്പത്തികശക്തികലെ ഒരുമിച്ച് കൊണ്ടുവരുന്ന ഒരു പ്രമുഖ ആഗോള ഉച്ചകോടിയാണ് G20. ആഗോള ജിഡിപിയുടെ 80 ശതമാനവും ആഗോള വ്യാപാരത്തിന്റെ 75 ശതമാനവും ലോക ജനസംഖ്യയുടെ 60 ശതമാനവും ജി20 അംഗങ്ങളിൽ നിന്നാണ്...

ഇറ്റലിയിലെ റോമിൽ നടക്കുന്ന ജി20 ഉച്ചകോടിയിൽ പ്രധാനമന്ത്രി നരേന്ദ്ര മോദി യുഎൻ സെക്രട്ടറി ജനറൽ അന്റോണിയോ ഗുട്ടെറസുമായി സംസാരിക്കുന്നു

ലോകാരോഗ്യ സംഘടന മേധാവി ടെഡ്രോസ് അദാനോം ഗെബ്രിയേസസ് പ്രധാനമന്ത്രി നരേന്ദ്ര മോദിയുമായി. പരസ്പരം അഭിവാദ്യം ചെയ്യുന്നു

മഹാമാരിയിൽ നിന്ന് കരകയറുന്നതിനും ആഗോള ആരോഗ്യ ഭരണം ശക്തിപ്പെടുത്തുന്നതിനുമുള്ള മേഖലകളിൽ ശ്രദ്ധ കേന്ദ്രീകരിക്കുന്ന 'ജനങ്ങൾ, ഗ്രഹം, സമൃദ്ധി' എന്ന വിഷയത്തെ കേന്ദ്രീകരിച്ചാണ് ഉച്ചകോടിയിലെ പ്രധാന ചർച്ച.

നേരത്തെ, ജി20 ഉച്ചകോടിയിൽ പങ്കെടുക്കുന്ന പ്രധാനമന്ത്രി മോദി ഉൾപ്പെടെ എല്ലാ ലോകനേതാക്കളും ഒരു ഗ്രൂപ്പ് ഫോട്ടോയ്ക്കായി ഒത്തുകൂടിയപ്പോൾ

ജർമ്മൻ ചാൻസലർ ആംഗല മെർക്കലുമായി പ്രധാനമന്ത്രി നരേന്ദ്ര മോദി ആശയവിനിമയം നടത്തിയപ്പോൾ

കാലാവസ്ഥാ വ്യതിയാനത്തെക്കുറിച്ചുള്ള ഐക്യരാഷ്ട്രസഭയുടെ കൺവെൻഷനിലേക്കുള്ള (യുഎൻഎഫ്‌സിസിസി) 26-ാമത് സമ്മേളനത്തിൽ (COP-26) പങ്കെടുക്കാൻ പ്രധാനമന്ത്രി റോമിൽ നിന്ന് ഞായറാഴ്ച ഗ്ലാസ്‌ഗോയിലേക്ക് പോകും.

പ്രധാനമന്ത്രി നരേന്ദ്ര മോദി ബ്രിട്ടീഷ് പ്രധാനമന്ത്രി ബോറിസ് ജോൺസണുമായി സംസാരിച്ചപ്പോൾ