International Migrants | അന്തർദേശീയ കുടിയേറ്റക്കാർ എവിടെ നിന്നാണ് വരുന്നത് ; ഏതെല്ലാം രാജ്യങ്ങളാണ് അവർക്ക് അഭയം നൽകുന്നത്

തുടര്‍ച്ചയായുണ്ടാകുന്ന ദുരന്തങ്ങള്‍, സാമ്പത്തിക വെല്ലുവിളികള്‍, കടുത്ത ദാരിദ്ര്യം അല്ലെങ്കില്‍ സംഘര്‍ഷം എന്നിവ മൂലം ഉണ്ടാകുന്ന സ്വമേധയാ അല്ലെങ്കില്‍ നിര്‍ബന്ധിത മാറ്റങ്ങളെയാണ് കുടിയേറ്റമായി കണക്കാക്കുന്നത്. ഈ വര്‍ഷം ഓഗസ്റ്റില്‍ താലിബാന്‍ (taliban) രാജ്യത്തിന്റെ ഭരണ നിയന്ത്രണം ഏറ്റെടുത്തപ്പോള്‍ അഫ്ഗാനിസ്ഥാനില്‍ (afganistan) നിന്നുള്ള പലായനം ലോകം കണ്ടതാണ്.

ഐക്യരാഷ്ട്രസഭയുടെ കണക്കനുസരിച്ച് കഴിഞ്ഞ വര്‍ഷം ഏകദേശം 280 ദശലക്ഷം ആളുകള്‍ അന്താരാഷ്ട്ര കുടിയേറ്റക്കാരായിരുന്നു. ഇത് ആഗോള ജനസംഖ്യയുടെ 3.6 ശതമാനത്തെ പ്രതിനിധീകരിക്കുന്നു.

70 വര്‍ഷം മുമ്പ് രൂപീകൃതമായ യുഎന്‍ അംഗീകൃത ഇന്റർനാഷണൽ ഓർഗനൈസേഷൻ ഫോർ മൈഗ്രേഷൻ (ഐഒഎം) ദശലക്ഷക്കണക്കിന് കുടിയേറ്റക്കാര്‍ക്ക് സഹായം നല്‍കിയിട്ടുണ്ട്. രണ്ടാം ലോക മഹായുദ്ധത്തില്‍ കുടിയൊഴിപ്പിക്കപ്പെട്ട ധാരാളം യൂറോപ്യന്മാരെ ഈ സ്ഥാപനം സഹായിച്ചിരുന്നു.

തൊഴില്‍ തേടി കുടിയേറുന്നതിനു പകരമായി യൂറോപ്യന്‍ രാജ്യങ്ങളിലേക്കും (European Countries) മറ്റും ഉന്നത വിദ്യാഭ്യാസത്തിനായി കുടിയേറുന്ന വിദ്യാര്‍ത്ഥികളുടെയും യുവാക്കളുടെയം എണ്ണം ഓരോ വര്‍ഷംതോറും വര്‍ദ്ധിക്കുകയാണ്.