War in Ukraine | റഷ്യയെ നേരിടാൻ യുക്രെയ്ൻ സുന്ദരി സൈന്യത്തിൽ ചേർന്നു; മുൻ മിസ് യുക്രെയ്ൻ അനസ്താസിയ ലെന്നയെക്കുറിച്ച് അറിയാം
റഷ്യൻ അധിനിവേശത്തിന്‍റെ തുടക്കം മുതൽ, പ്രതിസന്ധിയെ അഭിസംബോധന ചെയ്യുന്ന വിവിധ ഇൻസ്റ്റാഗ്രാം സ്റ്റോറികൾ ലെന്ന പങ്കിടുന്നു
മുൻ മിസ് ഉക്രെയ്‌ൻ (Miss Universe) അനസ്താസിയ ലെന്ന മോഡലിങ് ഉപേക്ഷിച്ച് യുദ്ധഭൂമിയിലേക്ക്. രാജ്യത്തെ രക്ഷിക്കാൻ സേനയിൽ ചേരുകയാണെന്നാണ് അനസ്താസിയ ലെന്ന (Anastasia Lenna) എന്ന 2015-െ മിസ് യുക്രെയ്ൻ പ്രഖ്യാപിച്ചത്. അവരുടെ പ്രസിഡന്റ് വോളോഡിമിർ സെലെൻസ്‌കിയുടെ പാത പിന്തുടർന്ന്, റഷ്യയ്‌ക്കെതിരായ പോരാട്ടത്തിൽ തങ്ങളുടെ മാതൃരാജ്യത്തെ രക്ഷിക്കാൻ നിരവധി പേരാണ് ആയുധമെടുത്ത് പോരാടുന്നത്. അതിനൊപ്പമാണ് ലെന്നയും ചേർന്നത്.
റഷ്യൻ അധിനിവേശത്തിന്‍റെ തുടക്കം മുതൽ, പ്രതിസന്ധിയെ അഭിസംബോധന ചെയ്യുന്ന വിവിധ ഇൻസ്റ്റാഗ്രാം സ്റ്റോറികൾ ലെന്ന പങ്കിടുന്നു. 2015 ലെ മിസ് ഗ്രാൻഡ് ഇന്റർനാഷണൽ സൗന്ദര്യമത്സരത്തിൽ ഉക്രെയ്‌നെ പ്രതിനിധീകരിച്ച ലെന്ന, തോക്കുമായി നിൽക്കുന്നതും സൈനിക യൂണിഫോമിൽ നിൽക്കുന്നതുമായ തന്റെ പുതിയ ചിത്രങ്ങൾ സോഷ്യൽ മീഡിയയിൽ പങ്കിട്ടു.
ശനിയാഴ്ച ഒരു പോസ്റ്റിൽ, അവർ ഇങ്ങനെ എഴുതി: "ഉക്രേനിയൻ അതിർത്തി കടന്ന് അധിനിവേശം നടത്താനുള്ള ഉദ്ദേശത്തോടെ എല്ലാവരെയും കൊലപ്പെടുത്തുകയാണ് റഷ്യ!" ഉക്രേനിയൻ പ്രസിഡന്റ് സെലൻസ്‌കിക്കൊപ്പം സൈനികർ നടക്കുന്ന ഒരു ഫോട്ടോയും അവർ പങ്കിട്ടു, അദ്ദേഹത്തെ "ശക്തനുമായ നേതാവ്" എന്ന് വിളിക്കുകയും ചെയ്തു. ഉക്രേനിയൻ സായുധ സേനയ്ക്ക് പിന്തുണ നൽകാനും സംഭാവന നൽകാനും അവർ നിരന്തരം സമൂഹമാധ്യമങ്ങളിലൂടെ അഭ്യർത്ഥിച്ചു.
അതേസമയം, റഷ്യയുടെ ഉക്രെയ്‌ൻ അധിനിവേശത്തിൽ നിരാശ പ്രകടിപ്പിച്ച് രാഹുൽ മഹാജന്റെ ഭാര്യ നതാലിയ ഇലിന തന്റെ ഇൻസ്റ്റാഗ്രാം ഹാൻഡിൽ ഒരു ചെറിയ എന്നാൽ ഹൃദയംഗമമായ കുറിപ്പ് പങ്കിട്ടു. റഷ്യക്കാരിയായ നതാലിയ, താൻ രണ്ട് രാജ്യങ്ങളുമായി എങ്ങനെ ബന്ധപ്പെട്ടിരിക്കുന്നുവെന്നും നിലവിലുള്ള പ്രതിസന്ധി കണ്ട് നിരാശയാണെന്നും പങ്കുവെച്ചു. അവളുടെ കുറിപ്പിൽ, മുത്തശ്ശി റഷ്യൻ ആണെന്നും പിതാവിന്റെ മുത്തച്ഛൻ ജർമ്മൻ ആണെന്നും എഴുതി. "എന്റെ നാന (അമ്മയുടെ മുത്തച്ഛൻ) റഷ്യക്കാരനും എന്റെ നാനി (അമ്മയുടെ മുത്തശ്ശി) ഉക്രേനിയക്കാരനുമാണ്" എന്ന് അവൾ വെളിപ്പെടുത്തി.
