കമല ഹാരിസും നരേന്ദ്ര മോദിയും ആദ്യമായി നേരിട്ടുകണ്ടു; ഓസ്ട്രേലിയൻ, ജാപ്പനീസ് പ്രധാനമന്ത്രിമാർക്കൊപ്പവും മോദിയുടെ കൂടിക്കാഴ്ച; ചിത്രങ്ങൾ
ഓസ്ട്രേലിയൻ പ്രധാനമന്ത്രി സ്കോട്ട് മോറിസണുമായും ജാപ്പനീസ് പ്രധാനമന്ത്രി യോഷിഹിതെ സുഗയുമായും നരേന്ദ്ര മോദി ചർച്ച നടത്തി.
അമേരിക്കൻ സന്ദർശനം നടത്തുന്ന പ്രധാനമന്ത്രി നരേന്ദ്രമോദി യു എസ് വൈസ് പ്രസിഡന്റ് കമല ഹാരിസുമായി ചർച്ച നടത്തി. യുഎസിന്റെ പ്രധാന പങ്കാളിയാണ് ഇന്ത്യയെന്നു കമല ഹാരിസ് പറഞ്ഞു. ഇന്ത്യ വാക്സിൻ കയറ്റുമതി പുനരാരംഭിച്ച തീരുമാനത്തെ യുഎസ് സ്വാഗതം ചെയ്യുന്നതായും അവർ പറഞ്ഞു. മോദിയും കമലയും ആദ്യമായാണു നേരിട്ടു ചർച്ച നടത്തുന്നത്. രണ്ടാം കോവിഡ് തരംഗകാലത്ത് നൽകിയ സഹായത്തിന് പ്രധാനമന്ത്രി നരേന്ദ്ര മോദിക്ക് അമേരിക്കയ്ക്ക് നന്ദി അറിയിച്ചു.
ത്വരിതഗതിയിലുള്ള പ്രതിരോധ കുത്തിവയ്പ്പ് ശ്രമങ്ങളിലൂടെ പകർച്ചവ്യാധിയെ തടയുന്നതിനുള്ള തുടർച്ചയായ പരിശ്രമങ്ങൾ, നിർണായകമായ മരുന്നുകൾ, ചികിത്സകൾ, ആരോഗ്യ പരിപാലന ഉപകരണങ്ങൾ എന്നിവ ഉറപ്പാക്കുന്നത് ഉൾപ്പെടെയുള്ള തങ്ങളുടെ രാജ്യങ്ങളിലെ കോവിഡ് -19 സാഹചര്യം ഇരു നേതാക്കളും ചർച്ച ചെയ്തു. ഇന്തോ-പസഫിക്കുമായി ബന്ധപ്പെട്ട വിഷയവും ചർച്ച ചെയ്തു
ഈ വർഷം ഏപ്രിലിൽ നരേന്ദ്ര മോദിയും യോഷിഹിതെ സുഗയും സംസാരിച്ചിരുന്നു, നിർണായകമായ മെറ്റീരിയലുകളുടെയും സാങ്കേതികവിദ്യകളുടെയും വിശ്വസനീയമായ വിതരണം ഉറപ്പുവരുത്തുന്ന, പ്രതിരോധശേഷിയുള്ള, വൈവിധ്യമാർന്നതും വിശ്വസനീയവുമായ വിതരണ ശൃംഖലകൾ സൃഷ്ടിക്കാൻ ഒരുമിച്ച് പ്രവർത്തിക്കേണ്ടതിന്റെ പ്രാധാന്യം ഇരു നേതാക്കളും ഊന്നിപ്പറഞ്ഞു.
