NASA James Webb Space Telescope: മനുഷ്യർ കണ്ടിട്ടുള്ളതിൽ വെച്ച് ഏറ്റവും ആഴമേറിയ പ്രപഞ്ചം; നാസയുടെ ജെയ്ംസ് വെബ് ടെലിസ്കോപ്പ് പകർത്തിയ കൃത്യതയാർന്ന ചിത്രങ്ങൾ
നാസയുടെ ജെയിംസ് വെബ് പുറത്തുവിട്ട പ്രപഞ്ചത്തിന്റെ ഫുൾകളർ ഫോട്ടോകളും സ്പെക്ട്രോസ്കോപ്പിക് ഡാറ്റയും ലോകത്തെ ഒന്നാകെ കൗതുകത്തിലാക്കിയിരിക്കുന്നു
മനുഷ്യരാശി ഒരിക്കലും കണ്ടിട്ടില്ലാത്ത പ്രപഞ്ച ദൃശ്യങ്ങളാണ് നാസയുടെ ജെയിംസ് വെബ് ടെലിസ്കോപ്പ് പുറത്തു വിട്ടിരിക്കുന്നത്. ഇതിനുമുൻപ് പകർത്തപ്പെട്ടിട്ടില്ലാത്ത സ്പെയ്സിന്റെ ഏറ്റവും ആഴമേറിയതും കൃത്യതയാർന്നതുമായ ചിത്രങ്ങളാണ് ഇവ. നാസ (NASA) ഇഎസ്എസ് ആയും (ESA-European Space Agency) സിഎസ്എസ് (CSA-Canadian Space Agency)ആയും പങ്കുചേർന്ന് നിർമ്മിച്ച ജെയിംസ് വെബ് പ്രപഞ്ചത്തിന്റെ രസ്യങ്ങളുടെ ചുരുളഴിക്കാനുള്ള മിഷനിലാണ്. മനുഷർ കണ്ടിട്ടില്ലാത്ത പ്രപഞ്ച ഭാഗങ്ങളുടെ ഫുൾ കളർ ചിത്രങ്ങൾ എടുത്തുകൊണ്ട് ആ ആസൂത്രണ പദ്ധതിയ്ക്ക് തുടക്കമായിരിക്കുകയാണ്. വിശദമായ ചിത്രമാണിത്. ഈ ചിത്രത്തിൽ എസ് എം എ സി എസ് (SMACS 0723) എന്ന് വിളിക്കപ്പെടുന്ന ഗ്യാലക്സി കൂട്ടങ്ങളെ കാണുവാൻ സാധിക്കും. (Image Credit: NASA)
ഡബ്ല്യുഎഎസ് പി96-ബി (WASP 96-b)എന്ന ഭീമൻ വാതക ഗ്രഹത്തിൽ ജലത്തിന്റെ അടയാളം തിരിച്ചറിയാൻ ജെയിംസ് വെബ് ടെലിസ്കോപ്പിനായി. ഡബ്ല്യുഎഎസ് പി96-ബി (WASP 96-b) ഒരു നക്ഷത്രത്തെ 1,150 പ്രകാശവർഷം അകലെ പ്രദിക്ഷണം ചെയ്യുന്നുണ്ട്. പുറത്തുള്ള ഒരു ഗ്രഹത്തിന്റെ അന്തരീക്ഷത്തിൽ മേഘങ്ങളുടെ സാന്നിദ്ധ്യം കണ്ടെത്തുന്നത് ഇതാദ്യമായാണ്.
