ആണവായുധശേഷിയുള്ള ഹൈപ്പർ സോണിക് മിസൈൽ പരീക്ഷിച്ച് ഉത്തര കൊറിയ; പ്രത്യേകതകൾ അറിയാം

പ്യോങ്​യാങ്​: ഹൈപ്പർ സോണിക് മിസൈൽ വിജയകരമായി പരീക്ഷിച്ച് ഉത്തര കൊറിയ. സൈനിക വികസന പദ്ധതിയുടെ ഭാഗമായി അഞ്ച് വർഷം കൊണ്ടാണ് മിസൈൽ വികസിപ്പിച്ചതെന്ന് ഉത്തര കൊറിയൻ ദേശീയ മാധ്യമം റിപ്പോർട്ട് ചെയ്തു. ആണവായുധശേഷിയുള്ള മിസൈൽ തന്ത്രപ്രധാനമായതാണെന്നും റിപ്പോർട്ടിൽ പറയുന്നു.

ചൊവ്വാഴ്ചയാണ് വാങ്സോങ്–8 എന്ന മിസൈൽ പരീക്ഷിച്ചത്. രാജ്യത്തിന്റെ പ്രതിരോധ ശേഷി വർധിപ്പിക്കുന്നതിനാണ് മിസൈലുകൾ വികസിപ്പിക്കുന്നതെന്നും റിപ്പോർട്ടിൽ പറയുന്നു. ഉത്തര കൊറിയ ഈ മാസം നടത്തുന്ന മൂന്നാമത്തെ മിസൈൽ പരീക്ഷണമാണിത്. ട്രെയിനിൽനിന്ന് വിക്ഷേപിക്കാവുന്ന ബാലിസ്റ്റിക് മിസൈലും ക്രൂയിസ് മിസൈലുമാണ് പരീക്ഷിച്ചത്. (Image: News18 Creative)

മിസൈൽ പ്രതിരോധനങ്ങളെ മറികടക്കുന്നതിനും അതിവേഗം സഞ്ചരിക്കുന്നതിനും ഹൈപ്പർ സോണിക് മിസൈലുകൾ‍‍‍‍‍‍‍‍‍‍‍‍‍‍ക്ക് സാധിക്കും. വളരെ കൃത്യതോടെ നിയന്ത്രിക്കാനും ലക്ഷ്യസ്ഥാനത്ത് എത്തിക്കുന്നതിനും സാധിക്കും. മുൻ മിസൈൽ സംവിധാനങ്ങളിൽ നിന്നെല്ലാം തികച്ചും വ്യത്യസ്തമാണ് പുതിയ മിസൈൽ.  (Image: News18 Creative)

ഹൈപ്പർ സോണിക് മിസൈലുകൾ നിർമിക്കുന്നതിനാവശ്യമായ പഠനങ്ങൾ പൂർത്തിയാക്കിയെന്ന് ജനുവരിയിൽ ഉത്തരകൊറിയൻ നേതാവ് കിം ജോങ് ഉൻ പറ‍ഞ്ഞിരുന്നു. രാജ്യത്തിന്റെ സുരക്ഷയും സമാധാനവും മുൻനിർത്തിയാണ് പരീക്ഷണങ്ങൾ നടത്തുന്നതെന്നും അദ്ദേഹം അറിയിച്ചു. മിസൈലിന്റെ ആദ്യ പരീക്ഷണമാണ് ചൊവ്വാഴ്ച നടത്തിയത്.  (Image: News18 Creative)

അതേസമയം, പരീക്ഷണങ്ങൾ പ്രാരംഭദശയിലാണെന്നും നിലവിൽ ദക്ഷിണ കൊറിയയ്ക്കും യുഎസിനും ഉത്തര കൊറിയയുടെ മിസൈലുകൾ പ്രതിരോധിക്കാൻ സാധിക്കുമെന്നും ദക്ഷിണ കൊറിയ സൈനിക മേധാവി അറിയിച്ചു. ‌ (Image: News18 Creative)

. സൈന്യത്തി​ന്റെ പഞ്ചവത്സര വികസനപദ്ധതിയുടെ ഭാഗമായാണ്​ മിസൈൽ വികസിപ്പിച്ചതെന്നും രാജ്യത്തി​ന്റെ സ്വയം പ്രതിരോധത്തിന്റെ ഭാഗമായാണ്​ മിസൈൽ പരീക്ഷിച്ചതെന്നും ഉത്തര കൊറിയയുടെ ഔദ്യോഗിക മാധ്യമവിഭാഗമായ കെ സി എൻ എ വ്യക്തമാക്കി. (Image: News18 Creative)