Dog Surfing Competition | വീട്ടിൽ നായ ഉണ്ടോ? വരൂ ഓൺലൈൻ മത്സരത്തിൽ പങ്കെടുക്കാം

കോവിഡ് മൂലം പല വിനോദപരിപാടികളും വൈകിയാണ് അരങ്ങേറുന്നത്. പലതും നീട്ടി വച്ചു. സാധാരണയിൽ നിന്ന് വിരുദ്ധമായി പല മത്സരങ്ങളും നടക്കുന്നത് ഓൺലൈനായാണ് എന്നതും മറ്റൊരു പ്രത്യേകത.

എല്ലാ വർഷവും സെപ്റ്റംബറിലാണ് കാലിഫോർണിയായിലെ ഡെൽ മാർ ഡോഗ് ബീച്ചിൽ നായ്ക്കളുടെ സർഫിംഗ് മത്സരം നടക്കുന്നത്.

ഇക്കുറി കോവിഡ് പശ്ചാത്തലത്തിൽ ബീച്ചിൽ മത്സരം നടത്തുക അസാധ്യം. അതിനാൽ വിർച്വൽ ഡോഗ് സർഫിംഗ് മത്സരം സംഘടിപ്പിക്കുകയാണ് സംഘാടകർ.

നായ്ക്കളുടെ തൂക്കം അനുസരിച്ച് പല വിഭാഗങ്ങളിലായി തിരിച്ചാണ് മത്സരം. നായ്ക്കളുടെ സർഫിംഗ്, സർഫിംഗ് ദൂരം, തിരമാലകളുടെ ശക്തി, സർഫിംഗ് ബോർഡിൽ നായയുടെ പ്രകടന ശൈലി തുടങ്ങിയവ പരിശോധിച്ചാകും വിജയിയെ നിശ്ചയിക്കുക. വീഡിയോ എവിടെ നിന്നും അയയ്ക്കാം.

മത്സരത്തിനായി വെബ്സൈറ്റിൽ പേര് രജിസ്റ്റർ ചെയ്ത ശേഷം സെപ്റ്റംബറോടെയാണ് വീഡിയോ അപ്‍ലോഡ് ചെയ്യേണ്ടത്. കൂടുതൽ വിവരങ്ങൾക്ക് https://animalcenter.org/surf-dog-surf-a-thon. എന്ന വെബ്സൈറ്റ് സന്ദർശിക്കുക..