വിമാനത്തിന്‍റെ എമർജൻസി ഡോർ അബദ്ധത്തിൽ തുറന്നു; യാത്രക്കാർ കുടുങ്ങിയത് ഏഴ് മണിക്കൂർ!

ഇസ്ലാമാബാദ്: ഒരു യാത്രക്കാരൻ അബദ്ധത്തിൽ എമർജൻസി ഡോർ തുറന്നതിനെ യാത്രക്കാർ വിമാനത്താവളത്തിൽ കുടുങ്ങിയത് ഏഴ് മണിക്കൂർ. പാകിസ്ഥാൻ ഇന്‍റർനാഷണൽ എയർലൈൻസ് വിമാനമാണ് എമർജൻസി ഡോർ തുറന്നതിനെ തുടർന്ന് വൈകിയത്. നാൽപ്പതോളം യാത്രക്കാരായിരുന്നു വിമാനത്തിൽ ഉണ്ടായിരുന്നത്.

മാഞ്ചസ്റ്ററിൽനിന്ന് ഇസ്ലാമാബാദിലേക്ക് യാത്രതിരിക്കുന്നതിന് തൊട്ടുമുമ്പായിരുന്നു സംഭവം. പി.കെ 702 എന്ന വിമാനത്തിന്‍റെ എമർജൻസി ഡോറാണ് ഒരു യാത്രക്കാരൻ റൺവേയിൽവെച്ച് അബദ്ധത്തിൽ തുറന്നത്.

ഇതേത്തുടർന്ന് വിമാനത്തിലെ യാത്രക്കാരെ പുറത്തിറക്കി, ഹോട്ടലിലേക്ക് മാറ്റി.

ഏഴു മണിക്കൂറിന് ശേഷം മറ്റൊരു വിമാനം ഏർപ്പാടാക്കിയാണ് യാത്രക്കാർക്ക് ഇസ്ലാബാദിലേക്ക് തിരിക്കാനായത്.