പള്ളിയിലെ ആൾത്താരയിൽവെച്ച് രണ്ടു സ്ത്രീകളുമായി ലൈംഗികബന്ധം; വൈദികൻ അറസ്റ്റിൽ

ലൂസിയാന: പള്ളിയുടെ ആൾത്താരയിൽവെച്ച് രണ്ടു യുവതികളുമായി ലൈംഗിക ബന്ധത്തിൽ ഏർപ്പെട്ട വൈദികനെ അറസ്റ്റുചെയ്തു. അമേരിക്കയിലെ ലൂസിയാനയിലാണ് സംഭവം. സെക്സ് ടോയ് ഉപയോഗിച്ചുള്ള ലൈംഗികബന്ധം വൈദികൻ തന്നെ മൊബൈലിൽ ചിത്രീകരിക്കുകയും ചെയ്തു. 

ലൂസിയാനയിലെ പേൾ റിവറിലുളള സെയിന്‍റ് പീറ്റർ ആൻഡ് പോൾ റോമൻ കത്തോലിക്ക പള്ളിയിലെ വൈദികനായ ട്രാവിസ് ക്ലാർക്കാണ് രണ്ടു സ്ത്രീകളുമായി ലൈംഗികബന്ധം പുലർത്തിയത്. ആൾത്താരയിൽ വൈദികൻ രണ്ടു സ്ത്രീകൾക്കൊപ്പം അർദ്ധ വിവസ്ത്രനായി കിടക്കുന്നത് കണ്ട അജ്ഞാത വ്യക്തിയാണ് വിവരം പൊലീസിൽ അറിയിച്ചത്.

സെപ്റ്റംബർ 30 ഏറെ വൈകിയും ആൾത്താരയിൽ വെളിച്ചം കണ്ടതോടെയാണ് താൻ അവിടേക്ക് പോയതെന്ന് ഇയാൾ പൊലീസിനോട് പറഞ്ഞു. അപ്പോൾ കണ്ടത് ആൾത്താര മുഴുവൻ സെക്സ് കള്ളിപ്പാട്ടങ്ങൾക്കിടയിൽ വൈദികനും മറ്റു രണ്ടു സ്ത്രീകളും ലൈംഗികബന്ധം പുലർത്തുന്നതാണ്. വൈദികൻ തന്നെ മൊബൈൽ ഉപയോഗിച്ചു ചിത്രീകരിക്കുന്നുണ്ടായിരുന്നുവെന്നും സാക്ഷിയായ ആൾ പൊലീസിനോട് വെളിപ്പെടുത്തിയിട്ടുണ്ട്. ട്രൈപോഡിൽ മൊബൈൽ ഘടിപ്പിച്ചശേഷമാണ് വൈദികൻ ഇത് ചിത്രീകരിച്ചത്.

താൻ കണ്ടതെല്ലാം മൊബൈലിൽ ചിത്രീകരിച്ച ശേഷമാണ് സാക്ഷി പൊലീസിനെ വിളിച്ചു വിവരം പറഞ്ഞത്. മൊബൈലിൽ ചിത്രീകരിച്ച ദൃശ്യങ്ങൾ ഇയാൾ പൊലീസിന് കൈമാറുകയും ചെയ്തു. ഉടൻ തന്നെ സ്ഥലത്തെത്തിയ പൊലീസ് വൈദികനെയും ഒപ്പമുണ്ടായിരുന്ന രണ്ടു സ്ത്രീകളെയും അറസ്റ്റുചെയ്തു. ഇതേ പള്ളിയിലെ ഇടവകയിൽ ഉൾപ്പെടുന്ന 41, 23 വയസുള്ള സ്ത്രീകളാണ് വൈദികനുമായി ലൈംഗികബന്ധം പുലർത്തിയത്.

വൈദികനൊപ്പം നേരത്തെയും ലൈംഗികബന്ധം പുലർത്തിയിട്ടുണ്ടെന്നും, ഇതെല്ലാം മൊബൈലിൽ ചിത്രീകരിച്ചിട്ടുണ്ടെന്നും സ്ത്രീകൾ പൊലീസിനോട് പറഞ്ഞു. വൈദികനുമായി ലൈംഗികബന്ധം പുലർത്തിയ സ്ത്രീകളിൽ ഒരാൾ ചലച്ചിത്ര നടിയാണെന്നും വ്യക്തമായിടിട്ടുണ്ട്.

ഒരു ദേവാലയം അശുദ്ധമാക്കാൻ താൻ ന്യൂ ഓർലിയൻസിലേക്കു പോകുകയാണെന്ന് ഇവർ കഴിഞ്ഞ ദിവസം സോഷ്യൽ മീഡിയയിൽ പോസ്റ്റു ചെയ്തിരുന്നു. 2013 ൽ ലൂസിയാനയിലെ ദേവാലയത്തിൽ നിയമിതനായ റവ. ക്ലാർക്കിനെ അറസ്റ്റുചെയ്തതോടെ അതിരൂപതയിൽ നിന്ന് സസ്‌പെൻഡ് ചെയ്തു.