- Co-presented by
-
കൊളംബോ: ഈസ്റ്റർ ദിനത്തിൽ ശ്രീലങ്കയിലുണ്ടായ ഭീകരാക്രമണത്തിന് ന്യൂസിലാൻഡ് ആക്രമണവുമായി ബന്ധമുണ്ടെന്ന് വ്യക്തമായതായി ശ്രീലങ്കൻ പ്രതിരോധ സഹമന്ത്രി. പ്രാഥമിക അന്വേഷണത്തില്‍ ഇതു സംബന്ധിച്ച് സൂചന ലഭിച്ചതായി മന്ത്രി പറഞ്ഞു.
ശ്രീലങ്കയിൽ എന്താണ് സംഭവിച്ചതെന്ന് പ്രാഥമിക അന്വേഷണത്തിൽ വ്യക്തമായി. ന്യൂസിലാൻഡിലെ ക്രിസ്റ്റ്യൻ ചർച്ചിൽ മുസ്ലിംകൾക്കെതിരായി ഉണ്ടായ ആക്രമണവുമായി ഇതിന് ബന്ധമുണ്ട്- പ്രതിരോധ സഹമന്ത്രി റുവാൻ വിജേവർദനെ പറഞ്ഞു.
മാർച്ച് 15ന് ന്യൂസിലാൻഡിലെ രണ്ട് മുസ്ലിംപള്ളികളിലുണ്ടായ ആക്രമണത്തിൽ അമ്പതോളം പേരാണ് കൊല്ലപ്പെട്ടത്. ന്യൂസിലാൻഡ് മുസ്ലിം പള്ളിയിലെ ആക്രമണത്തിന്റെ പ്രതികാരമാണ് ശ്രീലങ്കയിലുണ്ടായ ആക്രമണമെന്നാണ് ശ്രീലങ്കൻ ആഭ്യന്തര മന്ത്രി ജെസി അലവത്തുവാല പറഞ്ഞത്. ശ്രീലങ്കയിലെ സ്ഫോടനവുമായി ബന്ധപ്പെട്ട് കൂടുതൽ പേർ അറസ്റ്റിലായിട്ടുണ്ടെന്നും അദ്ദേഹം പറഞ്ഞു.
ശ്രീലങ്കൻ ആക്രമണത്തിലൂടെ ലക്ഷ്യമിട്ടത് ക്രിസ്ത്യാനികളെയായിരുന്നുവെന്നും ക്രിസ്ത്യൻ വിഭാഗത്തിന്റെ വിശുദ്ധ ദിനത്തിലാണ് ആക്രമണം നടത്തിയിരിക്കുന്നതെന്നും ഇന്ത്യയിലെ മുൻ നയതന്ത്രജ്ഞൻ ജി പാർഥസാരഥി പറഞ്ഞു.
ന്യൂസിലാൻഡ് ആക്രമണത്തിന്റെ പകരംവീട്ടലാണ് ഇതെന്നാണ് ഇതിൽനിന്ന് വ്യക്തമായിരിക്കുന്നതെന്നും അദ്ദേഹം വ്യക്തമാക്കി.
ഈസ്റ്റർ ദിനത്തിൽ ശ്രീലങ്കിയിലെ ക്രിസ്ത്യൻ പള്ളികളിലും ഹോട്ടലുകളിലുമാണ് ആക്രമണം ഉണ്ടായത്. ആക്രമണത്തിൽ 300 പേരാണ്കൊല്ലപ്പെട്ടത്. അഞ്ചൂറോളം പേർക്ക് പരുക്കേൽക്കുകയും ചെയ്തിരുന്നു.
