മഞ്ചേശ്വരത്ത് ഓട്ടോറിക്ഷ നിയന്ത്രണം വിട്ട് കുഴിയിലേക്ക് മറിഞ്ഞു കുടുംബത്തിലെ നാലു പേർ ഉൾപ്പെടെ അഞ്ചു പേർക്ക് ഗുരുതര പരിക്ക്. ഉപ്പള പത്വാടിയിലാണ് അപകടം. 10 അടി ഉയരത്തിൽ നിന്നാണ് ഓട്ടോ മറിഞ്ഞത്. പത്വാടി സ്വദേശികളായ അബ്ദുൽ ലത്തീഫ് , ഭാര്യ സുഹറ , മക്കളായ ലുബ്ന (എട്ട്), അബ്ദുൽ ബഷീർ (ആറ്), ഓട്ടോ ഡ്രൈവർ ഉപ്പള പചിലമ്പാറയിലെ നഹീം എന്നിവർക്കാണ് പരിക്കേറ്റത്. ഇവരെ മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു.
