എന്നാൽ വിജയ്, അജിത് ആരാധകർ ക്ഷമിക്കുക, കളക്ഷനില്‍ രണ്ടുപേരെയും പിന്നിലാക്കി മുന്നേറുകയാണ് സാക്ഷാൽ ബാലയ്യ
ജനുവരി 12ന് തിയറ്ററുകളിലെത്തിയ നന്ദമുരാരി ബാലകൃഷ്ണ നായകനായ 'വീര സിംഹം റെഡ്ഡി' ആഗോളതലത്തിൽ ആദ്യദിനം വാരിയത് 54 കോടി രൂപയാണ്
ഈ വർഷം ഏറ്റവും വലിയ ഓപ്പണിങ് നേടുന്ന സിനിമയെന്ന റെക്കോർഡും വീര സിംഹ റെഡ്ഡിക്കാണ്. ബാലയ്യയുടെ കരിയറിലെ ഏറ്റവും വലിയ വിജയത്തിലേക്കാണ് ചിത്രം കുതിക്കുന്നത്
ചിത്രത്തിന്റെ ഓൾ ഇന്ത്യാ കളക്ഷൻ 42 കോടിയാണ്. ആന്ധ്രപ്രദേശ്- തെലങ്കാന എന്നിവിടങ്ങളിൽ നിന്നും 38.7 കോടിയും കർണാടകയിൽ നിന്നും 3.25 കോടിയും ചിത്രം സ്വന്തമാക്കി
ഓവർസീസ് കളക്ഷനായി എട്ട് കോടിയും നേടി. ഇതിനു മുൻപ് ബാലയ്യയുടേതായി ആദ്യദിനം ഏറ്റവുമധികം കലക്ഷൻ ലഭിച്ച ചിത്രം അഖണ്ഡയായിരുന്നു. 29.6 കോടിയാണ് ചിത്രം ആദ്യദിനം വാരിക്കൂട്ടിയത്
വാരിസിനും തുനിവിനും ആദ്യദിനം 50 കോടി നേടാനായില്ല. വാരിസ് 49 കോടിയും തുനിവ് 42 കോടിയും ആഗോള കളക്ഷൻ നേടിയെന്നാണ് ട്രേഡ് അനലിസ്റ്റുകളുടെ റിപ്പോർട്ട്
വാരിസ് കേരളത്തിൽ നിന്നുള്ള കളക്ഷൻ പത്ത് കോടിയിലേക്ക് അടുക്കുന്നുവെന്നാണ് റിപ്പോർട്ട്. കേരളത്തിൽ വാരിസ് 400 സ്ക്രീനുകളിലും തുനിവ് 250 സ്ക്രീനുകളിലുമാണ് റിലീസ് ചെയ്തത്