BTS താരം ജങ്കൂക്കിന് എന്തു പറ്റി? അമ്പരന്ന് ആർമി

ജങ്കൂക്കിന് എന്തുപറ്റി? ട്വിറ്ററിലും ഇൻസ്റ്റഗ്രാമിലുമെല്ലാം ബിട‌ിഎസ് ആർമി പരസ്പരം അന്വേഷിച്ചു കൊണ്ടിരിക്കുകയാണ്. അതിന് കാരണമായതാകട്ടെ ജങ്കൂക്കിന്റെ ഒരു ട്വീറ്റും. (image: instagram)

അടുത്തിടെയാണ് ബിടിഎസ് താരങ്ങൾ ഇൻസ്റ്റഗ്രാമിൽ വ്യക്തിഗത അക്കൗണ്ടുകൾ ആരംഭിച്ചത്. ആർഎം, സുഗ, ജിമിൻ, ജെ-ഹോപ്പ്, ജിൻ, വി, ജങ്കൂക്ക് എന്നീ ഏഴ് പേരേയും മത്സരിച്ച് ആർമി എന്നു വിളിക്കുന്ന ആരാധകർ ഫോളോ ചെയ്യുകയും ചെയ്തു. (image: Instagram)

ഇൻസ്റ്റഗ്രാം ആരംഭിച്ച് മണിക്കൂറുകൾക്കുള്ളിൽ ഏറ്റവും കൂടുതൽ ഫോളോവേഴ്സിനെ സ്വന്തമാക്കിയെന്ന റെക്കോർഡും ബിടിഎസ് അംഗങ്ങൾ നേടി. (image: instagram)

ഇതിനിടയിലാണ് ജങ്കൂക്കിന്റെ അറിയിപ്പ് വരുന്നത്. താൻ ഇൻസ്റ്റഗ്രാം ഉപേക്ഷിക്കുകയാണെന്നും ഫോണിൽ നിന്ന് ആപ് ഡിലീറ്റ് ചെയ്തെന്നുമാണ് ട്വിറ്ററിലൂടെ താരം അറിയിച്ചത്. (image: instagram)

ഇതിനു മുമ്പും ഇതുപോലെ ആരാധകരെ ഞെട്ടിക്കുന്ന ചില കാര്യങ്ങൾ ജങ്കൂക്ക് ഇൻസ്റ്റഗ്രാമിൽ ചെയ്തിരുന്നു. തന്റെ എല്ലാ പോസ്റ്റുകളും ഡിലീറ്റ് ചെയ്തായിരുന്നു മുമ്പ് താരം അമ്പരപ്പിച്ചത്. (image: Instagram)

ഇൻസ്റ്റഗ്രാം അക്കൗണ്ട് കൂടുതൽ മനോഹരമാക്കാനായി ആദ്യം മുതൽ പോസ്റ്റുകൾ ഇട്ടു തുടങ്ങുകയായിരുന്നു ജങ്കൂക്ക്. ഇപ്പോഴിതാ ഇൻസ്റ്റഗ്രാം തന്നെ ഉപേക്ഷിച്ചു പോയിരിക്കുകയാണ് താരം. (image: Instagram)

എന്തെങ്കിലും മാനസിക സമ്മർദ്ദം മൂലമാണോ താരം ഇൻസ്റ്റ ഉപേക്ഷിച്ചത് എന്നായിരുന്നു ആർമിക്ക് അറിയേണ്ടിയിരുന്നത്. ഇതിനും താരം വിശദീകരണം നൽകിയിട്ടുണ്ട്. ആരും ആശങ്കപ്പെടേണ്ടതില്ലെന്നാണ് ബിടിഎസ്സിലെ ഏറ്റവും പ്രായം കുറഞ്ഞ താരം പറയുന്നത്. (image: Instagram)

താൻ ഇൻസ്റ്റഗ്രാം അധികം ഉപയോഗിക്കാറില്ലെന്നും അതിനാൽ ആപ് ഡിലീറ്റ് ചെയ്തെന്നുമാണ് താരം നൽകിയ വിശദീകരണം. അധികം ഉപയോഗിക്കാത്ത ആപ് ഉപേക്ഷിക്കുകയല്ലാതെ മറ്റെന്താണ് ചെയ്യേണ്ടതെന്നും തമാശയോടെ അദ്ദേഹം ചോദിക്കുന്നു. ഇനി ഒരിക്കലും ഇൻസ്റ്റഗ്രാം ഉപയോഗിക്കാൻ സാധ്യതയില്ലെന്നും താരം വ്യക്തമാക്കി (image: Instagram)

ആർമിയുമായി താരങ്ങൾ സ്ഥിരമായി സംവദിക്കുന്ന വീവേർസ് എന്ന ആപ്പിൽ സജീവമായിരിക്കുമെന്നും അതിൽ പറ്റുന്ന സമയത്തെല്ലാം ലൈവിൽ വരാമെന്നും വിശേഷങ്ങൾ പങ്കുവെക്കാമെന്നും ജങ്കൂക്ക് ഉറപ്പ് നൽകിയിട്ടുണ്ട്. (image: instagram)

2021 ഡിസംബറിലാണ് ബിടിഎസ് താരങ്ങൾ ഇൻസ്റ്റഗ്രാമിൽ എത്തുന്നത്. 50 മില്യണിലധികം ഫോളോവേഴ്സായിരുന്നു ജങ്കൂക്കിന് ഇൻസ്റ്റഗ്രാമിൽ ഉണ്ടായിരുന്നത്.