Asha Sharath | കൂട്ടുകാരനായിരുന്നിട്ടും ഉത്തരയുടെ അമ്മ ആശാ ശരത് എന്നറിഞ്ഞില്ല! ആ സർപ്രൈസ് വന്നതിങ്ങനെ

മലയാള സിനിമാ താരങ്ങളാൽ സമ്പന്നമായിരുന്നു നടി ആശാ ശരത്തിന്റെ (Asha Sharath) മകൾ ഉത്തര ശരത്തിന്റെ (Uthara Sharath) വിവാഹച്ചടങ്ങ്‌. ആലുവയിലെ ഓഡിറ്റോറിയത്തിൽ വച്ചായിരുന്നു ആദിത്യ മേനോൻ ഉത്തരയ്ക്ക് താലി ചാർത്തിയത്. മുംബൈ നഗരത്തിന്റെ മരുമകളായാണ് ഉത്തര ശരത് വിവാഹംചെയ്തു പോയത്. ഏറെ നാളത്തെ പ്രണയത്തിനൊടുവിലാണ് ആദിത്യ ഉത്തരയെ ജീവിതസഖിയാക്കിയത്

ഉത്തരയുടെ കുടുംബത്തെക്കുറിച്ച് അറിഞ്ഞതിനെക്കുറിച്ച് ആദിത്യയും ഉത്തരയും ഒന്നിച്ചു പങ്കെടുത്ത അഭിമുഖത്തിലാണ് തെളിഞ്ഞത്. ഉത്തരയുടെ അമ്മയെ ദുബായ് അമ്മയെന്നും ആദിത്യയുടെ അമ്മയെ ബോംബെ അമ്മയെന്നുമാണ് അവർ വിളിക്കുക. കൂട്ടുകാരനായിട്ടും ഉത്തര ആശയുടെ മകളാണെന്ന്‌ ആദിത്യ അറിഞ്ഞിരുന്നില്ല എന്നതാണ് രസകരം (തുടർന്ന് വായിക്കുക)

അത്യാവശ്യം മലയാള സിനിമ കാണുന്നവരാണ് ആദിത്യയും അച്ഛനും. അങ്ങനെയിരിക്കെ പങ്കു എന്ന വിളിക്കുന്ന ഉത്തരയുടെ കുടുംബ ചിത്രം അവർ കാണാനിടയായി. ദുബായ് അമ്മയെയും ദുബായ് അച്ഛനെയും അപ്പോഴാണ് കാണുന്നത്

ഫോട്ടോ കണ്ടതും 'പെണ്ണിന്റെ അമ്മയെ കണ്ടിട്ട് ആശാ ശരത്തിനെ പോലുണ്ടല്ലോ' എന്നായി ആദിത്യയുടെ അച്ഛനും. ആദിത്യക്കും സംശയം ഇരട്ടിച്ചു. അച്ഛനും മകനും ഒടുവിൽ വീട്ടിലെ ഏറ്റവും വലിയ സിനിമാ ആരാധികയായ അമ്മയുടെ മുന്നിലെത്തി

ഇത് ആശാ ശരത്ത് തന്നെയെന്ന് ഉറപ്പിച്ചത് ആദിത്യയുടെ അമ്മയാണ്.  അമ്മയൊരു സെലിബ്രിറ്റി ആണെന്ന കാര്യം ഉത്തര അതുവരെയും പറഞ്ഞിരുന്നില്ല. എന്നാൽ വീട്ടുകാർ തമ്മിൽ അടുത്തതും കല്യാണത്തിന് കൂടുതൽ താൽപ്പര്യം അവർക്കായി എന്ന് ഉത്തരയും ആദിത്യയും പറയുന്നു

മകളുടെ വിവാഹശേഷം എല്ലാംകൊണ്ടും ചേരുന്ന കുടുംബമാണ് തങ്ങൾക്കു ലഭിച്ചതെന്ന് ആശാ ശരത്തും പറഞ്ഞിരുന്നു. ഒരേ വേവ് ലെങ്ത് ഉള്ള കുടുംബമാണ് തങ്ങളുടേതെന്ന് ആശാ ശരത് മാധ്യമങ്ങളോടായി പറഞ്ഞു

ഉത്തരയുടെ ഹൽദി ചടങ്ങിൽ ആശാ ശരത്തും ഉത്തരയും ആദിത്യയും