Samvrutha Sunil | സംവൃതയുടെ ആദ്യ ചിത്രം 'രസികൻ' അല്ല; അത് 1998ൽ റിലീസ് ചെയ്ത സിനിമ

2004ൽ നാടൻ ലുക്കും നീളൻ തലമുടിയുമുള്ള ഒരു ശാലീന സുന്ദരിയെ മലയാള സിനിമയ്ക്ക് ലഭിച്ചു. നടൻ ദിലീപിന്റെ നായികയായി തൊട്ടുരുമ്മി ഇരിക്കാൻ കൊതിയായി... എന്ന ഗാനരംഗത്തിലൂടെ ആ നായിക പതിയെ പ്രേക്ഷകരുടെ മനസ്സിൽ ചേക്കേറി. സംവൃത സുനിൽ ആദ്യമായി നായികാവേഷം ചെയ്ത് ബിഗ് സ്‌ക്രീനിൽ എത്തിയ ചിത്രമായിരുന്നു ഇത്. എന്നാൽ ഇതല്ല സംവൃതയുടെ ആദ്യ ചിത്രം

ഒരു അഭിമുഖത്തിൽ സംവൃത തന്നെ ഇക്കാര്യം വെളിപ്പെടുത്തുകയായിരുന്നു. ആദ്യ ചിത്രത്തിൽ ദിലീപ് അല്ല, സൂപ്പർസ്റ്റാർ മോഹൻലാൽ ആണ് നായകനായത്. തീർത്തും അവിചാരിതമായാണ് സംവൃത ഈ സിനിമയുടെ ഭാഗമായത്. സിനിമ ഇറങ്ങിയത് 1998 ലും (തുടർന്ന് വായിക്കുക)

തറവാട്ടിൽ സിനിമാ ചിത്രീകരണം കാണാനുള്ള കൗതുകത്തിൽ സ്കൂൾ വിദ്യാർത്ഥിനിയായ സംവൃതയും ബന്ധുക്കളായ മറ്റു കുട്ടികളും എത്തിയിരുന്നു. പെട്ടെന്നാണ് സംവിധായകൻ കമൽ, കുട്ടികളെല്ലാം ഒരു രംഗത്തിൽ വന്നുനിൽക്കാൻ ആവശ്യപ്പെട്ടത്. അങ്ങനെ സംവൃതയും സ്‌ക്രീനിൽ മുഖം കാണുന്നവിധം പ്രത്യക്ഷപ്പെട്ടു

മോഹൻലാലും നന്ദിനിയും ചേർന്നുള്ള ക്ലൈമാക്സ് രംഗത്തിലാണ് സംവൃതയ്ക്കും കൂട്ടർക്കും നറുക്കു വീണത്. ഈ രംഗത്തിൽ നന്ദിനിയുടെ പിന്നിൽ നിൽക്കുന്ന കുട്ടികളിൽ സംവൃതയുടെ മുഖം തെളിഞ്ഞു കാണാം

1998ൽ മോഹൻലാൽ, ശ്രീനിവാസൻ, നന്ദിനി, കൃഷ്ണ എന്നിവർ മുഖ്യവേഷങ്ങൾ ചെയ്ത 'അയാൾ കഥയെഴുതുകയാണ്' എന്ന കമൽ ചിത്രമാണ് സംവൃതയുടെ മുഖം ആദ്യമായി വെള്ളിത്തിരയിൽ കാണിച്ചത്

എന്നാൽ സിനിമയുടെ വിക്കിപീഡിയ പേജ് സംവൃതയ്ക്ക് ക്രെഡിറ്റ് നൽകിയിട്ടുണ്ട്. അതിഥി വേഷം എന്നാണ് സംവൃതയുടെ പേരിനു നേരെ നൽകിയിട്ടുള്ളത്

വിവാഹശേഷം വിദേശവാസം ആരംഭിച്ച സംവൃത 'സത്യം പറഞ്ഞാ വിശ്വസിക്കുവോ' എന്ന സിനിമയിലൂടെ അഭിനയരംഗത്ത് മടങ്ങിവന്നിരുന്നു