65-ാം പിറന്നാൾ ആഘോഷിക്കുന്ന മോഹൻലാലിന് സിനിമാ മേഖലയിൽ നിന്നും നിരവധിപേർ ആശംസകൾ അറിയിച്ചിട്ടുണ്ട്. മോഹൻലാലിനൊപ്പമുള്ള നിരവധി ചിത്രങ്ങൾ പങ്കുവച്ചുകൊണ്ടാണ് ആന്റണി പെരുമ്പാവൂർ ആശംസകൾ നേർന്നത്. 'ജന്മദിനാശംസകള്‍ ലാലേട്ടാ, റെക്കോര്‍ഡുകള്‍ തകര്‍ക്കുന്ന മറ്റൊരു വര്‍ഷം കൂടെ ആശംസിക്കുന്നു', എന്നായിരുന്നു പൃഥ്വിരാജിന്റെ ആശംസ.
'ലാലേട്ടന് സന്തോഷം നിറഞ്ഞ ജന്മദിനങ്ങൾ തുടരും' എന്നാണ് പിഷാരടി കുറിച്ചത്. തുടരും സിനിമയിലെ മോഹൻലാലിന്റെ ഐക്കോണിക് ചാട്ടം അനുകരിക്കുന്ന റീല്‍സും രമേഷ് പിഷാരടി പോസ്റ്റ് ചെയ്തിട്ടുണ്ട്. ലാലേട്ടന് തുടരും എന്നാണ് തരുൺ മൂർത്തി കുറിച്ചത്.
advertisement
സംവിധായകരായ സിബി മലയില്‍, മേജര്‍ രവി, സാജിദ് യഹിയ, തരുണ്‍ മൂര്‍ത്തി, എം.എ. നിഷാദ്, മന്ത്രിയും നടനുമായ കെ.ബി. ഗണേഷ് കുമാര്‍, എംഎല്‍എ കൂടിയായ എം. മുകേഷ്, അഭിനേതാക്കളായ ശ്വേതാ മോഹന്‍, ചിപ്പി രഞ്ജിത്ത്, ബിനു പപ്പു, കൃഷ്ണപ്രഭ, അപ്പാനി ശരത്, സണ്ണി വെയ്ന്‍, അന്‍സിബ ഹസ്സന്‍, ബിനീഷ് കോടിയേരി, വീണ നായര്‍, അനശ്വര രാജന്‍, സൗമ്യ മേനോന്‍, ഗായകരായ കെ.ജെ. യേശുദാസ്, സുജാതാ മോഹന്‍, തിരക്കഥാകൃത്ത് അഭിലാഷ് പിള്ള എന്നിവരും നടന് ജന്മദിനാശംസകൾ നേർന്നിട്ടുണ്ട്.