വെള്ളത്തിന് പകരം വെള്ളം തന്നെ; പണവും രത്നങ്ങളുമല്ല

ആകാശപ്പറക്കലിനിടെ വിമാനം തകരാറിലായി മരുഭൂമിയിൽ അകപ്പെടുന്ന ദമ്പതികളിലൂടെയാണ് കഥ മുന്നോട്ടു പോകുന്നത്. കയ്യിലെ കുപ്പിയിലെ ജലം കൂടി തീർന്നു പോകുന്നതോടു കൂടി കൊടും ചൂടിൽ അവശരായി അലയുകയാണിവർ. മുന്നിൽ വന്നുപെടുന്ന മരുഭൂമിയിലെ ഗോത്ര വർഗ വിഭാഗത്തിലെ യുവാവ് കയ്യിലൊരു കുപ്പി വെള്ളവുമായി ഇവരുടെ മുന്നിൽപ്പെടുന്നു. പക്ഷെ ഇവരുടെ കണക്കുകൂട്ടലുകൾ മുഴുവൻ അയാൾ തെറ്റിക്കുന്നു.

ജല സംരക്ഷണത്തിന്റെ മൂല്യം എന്തെന്ന് പറയുന്ന സന്ദേശം കൈമാറുന്ന ചിത്രമാണിത്. സ്റ്റാജൻ വി. ജെയാണ് സംവിധാനം. സീജോ പൊന്നൂർ നിർമ്മിച്ച ഹ്രസ്വ ചിത്രത്തിന്റെ ഛായാഗ്രാഹകൻ ക്രിഷ് കൈമളാണ്.

advertisement