മോഹൻലാൽ തിരുവനന്തപുരത്ത് മത്സരിക്കുമോ? നടനുമൊത്തുള്ള ചിത്രം പങ്കുവെച്ച് പ്രധാനമന്ത്രി

webtech_news18
തിരുവനന്തപുരം: ജന്മാഷ്ടമി ദിനത്തിൽ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയ ചിത്രം നടൻ മോഹൻലാൽ ഫേസ്ബുക്ക് പേജിൽ പങ്കുവെച്ചത് വലിയ വാർത്തയായിരുന്നു. ഇപ്പോഴിതാ, മോഹൻലാലുമൊത്തുള്ള ചിത്രം ട്വീറ്റ് ചെയ്തിരിക്കുകയാണ് പ്രധാനമന്ത്രി. മോഹന്‍ലാലിന്റെ സാമൂഹ്യ പ്രവര്‍ത്തനങ്ങള്‍ പ്രശംസനീയമാണെന്നും പ്രചോദനം നല്‍കുന്നതാണെന്നുമുള്ള കുറിപ്പോടെയാണ് ചിത്രം പ്രധാനമന്ത്രി പങ്കുവച്ചിരിക്കുന്നത്. ആഗോള മലയാളികളെ കൂട്ടിയോജിപ്പിച്ചുകൊണ്ട് വയനാട് ഉൾപ്പടെയുള്ള പ്രളയബാധിതമേഖകലകളിൽ നടത്താൻ പോകുന്ന പുനരധിവാസപ്രവർത്തനങ്ങളെക്കുറിച്ച് പ്രധാനമന്ത്രിയോട് മോഹൻലാൽ വിശദീകരിച്ചിരുന്നു. മോഹൻലാലിന്‍റെ അച്ഛനമ്മമാരുടെ പേരിലുള്ള വിശ്വശാന്തി ഫൌണ്ടേഷന്‍റെ ആഭിമുഖ്യത്തിൽ ക്യാൻസർ ചികിത്സാകേന്ദ്രം തുടങ്ങുന്നതിനെ പ്രധാനമന്ത്രി ശ്ലാഘിച്ചിരുന്നു.

Trending Now