കോട്ടയം ജില്ലയിലെ കാഞ്ഞിരപ്പള്ളി താലൂക്കില്‍ കണ്ണന്താനത്തു കുടുംബത്തില്‍ ബേബിയുടെയും തങ്കമ്മയുടെയും ആറാമത്തെ പുത്രനായി 1953 ഡിസംബര്‍ 11നാണ് തമ്പി കണ്ണന്താനത്തിന്‍റെ ജനനം. കോട്ടയം എംസി സെമിനാരി ഹയര്‍ സെക്കൻഡറി സ്‌കൂള്‍, സെന്‍റ് ഡൊമിനിക് കോളേജ് എന്നിവിടങ്ങളിലായിരുന്നു പഠനം. സംവിധായകന്‍ ജോഷിയുടെ സഹായിയായാണ് ചലച്ചിത്രജീവിതം ആരംഭിക്കുന്നത്.
1983ല്‍ 'താവളം' എന്ന ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനാകുന്നത്. 1986ല്‍ പുറത്തിറങ്ങിയ 'രാജാവിന്റെ മകന്‍' എന്ന ചിത്രത്തിലൂടെയാണ് ചലച്ചിത്രരംഗത്ത് പ്രശസ്തനാവുന്നത്. നടന്‍ മോഹന്‍ലാലിന്‍റെ കരിയറിലെ മികച്ച ചിത്രങ്ങളിലൊന്നായിരുന്നു ഈ ചിത്രം. 1987ല്‍ 'വഴിയോരക്കാഴ്ചകള്‍', 'ഭൂമിയിലെ രാജാക്കന്മാര്‍' എന്നീ ചിത്രങ്ങള്‍ സംവിധാനം ചെയ്തു. തുടര്‍ന്ന് നിരവധി ഹിറ്റുചിത്രങ്ങള്‍ സംവിധാനം ചെയ്തു.
advertisement
ഏകദേശം 13ഓളം ചിത്രങ്ങള്‍ സംവിധാനം ചെയ്തിട്ടുണ്ട്. കൂടാതെ അഞ്ചു ചിത്രങ്ങള്‍ നിര്‍മിക്കുകയും മൂന്ന് ചിത്രങ്ങള്‍ക്ക് തിരക്കഥ നിർവഹിക്കുകയും ചെയ്തിട്ടുണ്ട്. ആ നേരം അല്പ നേരം, ജന്മാന്തരം, ഫ്രീഡം എന്നിവയാണ് തിരക്കഥ രചിച്ച ചിത്രങ്ങള്‍. 1981ല്‍ പ്രദര്‍ശനത്തിനെത്തിയ 'അട്ടിമറി' എന്ന ചിത്രത്തില്‍ അഭിനയിക്കുകയും ചെയ്തിട്ടുണ്ട്. 2004ല്‍ പുറത്തിറങ്ങിയ 'ഫ്രീഡം' ആണ് ഒടുവിലായി സംവിധാനം ചെയ്ത ചിത്രം.
ചലച്ചിത്രങ്ങൾ
സംവിധാനം
ഫ്രീഡം - 2004
ലൈഫ് ഓൺ ദ എഡ്ജ് ഓഫ് ഡെത്ത് - 2001
ഒന്നാമൻ - 2001
മാസ്മരം - 1997
മാന്ത്രികം - 1995
ചുക്കാൻ - 1994
നാടോടി - 1992
ഇന്ദ്രജാലം - 1990
പുതിയ കരുക്കൾ - 1989
ജന്മാന്തരം - 1988
ഭൂമിയിലെ രാജാക്കന്മാർ - 1987
വഴിയോരക്കാഴ്ചകൾ - 1987
രാജാവിന്റെ മകൻ - 1986
ആ നേരം അല്പദൂരം - 1985
പാസ്പോർട്ട് - 1983
താവളം 1983
നിർമ്മാണം
മാന്ത്രികം - 1995
ഇന്ദ്രജാലം - 1990
ജന്മാന്തരം - 1988
വഴിയോരക്കാഴ്ചകൾ - 1987
രാജാവിന്റെ മകൻ - 1986
രചന
ഫ്രീഡം - 2004
ജന്മാന്തരം - 1998 (തിരക്കഥ)
ആ നേരം അല്പ ദൂരം - 1985 (കഥ, തിരക്കഥ)
സഹസംവിധാനം
*പോസ്റ്റ്മോർട്ടം - 1982
അട്ടിമറി - 1981
ഇത്തിക്കര പക്കി - 1980
നടൻ
അട്ടിമറി - 1981
മദ്രാസിലെ മോൻ