‘ഏറെ സന്തോഷവും സംതൃപ്തിയും അതിലേറെ പ്രതീക്ഷകളും എനിക്ക് കൂട്ടായി ഒപ്പമുള്ള ഈ വിഷുവിന്റെ സുദിനത്തിൽ എന്നെ ഞാനാക്കിയ ഒരു ഭൂതകാലത്തേക്ക് ഞാനും എന്റെ ഓർമ്മകളും സഞ്ചരിക്കുകയാണ്. എന്നെ സ്വാധീനിക്കുന്ന ചില മധുരാനുഭൂതികൾ ഞാനറിയാതെ എന്നെ കൊണ്ടുപോവുകയാണ്. ഒന്നിനുമല്ലാതെ എന്തിനോ തോന്നിയ ഒരിഷ്ടം, ഇനിയാർക്കും ആരോടും തോന്നാത്ത എന്തോ എന്തോ ഒന്നായി, അല്ലെങ്കിൽ എല്ലാമെല്ലാമായി എനിക്കും നിങ്ങൾക്കും മാറിയ ആ ലോകത്തേക്ക്… അതെ, നിനക്കായ്.. ആദ്യമായ്‌.. ഓർമ്മക്കായ്..സ്വന്തം.. ഇനിയെന്നും… എന്നെന്നും… എന്നീ പ്രണയഗാന സമാഹാരങ്ങൾ പിറവിയെടുത്ത ആ പഴയകാലത്തേക്ക്.. മറ്റൊന്നിനുമല്ല, അത്തരം ഒരു സമാഹാരവുമായി വീണ്ടും നിങ്ങൾക്കൊപ്പം കൂടുവാൻ.. ആ നിമിഷങ്ങളുടെ ആസ്വാദ്യത നുകരാനും നുണയാനും..
advertisement
കള്ളനും ഭഗവതിയുടെയും ഷൂട്ടിങ്ങുമായി ബന്ധപ്പെട്ട് പാലക്കാടിന്റെ ഉൾനാടൻ പ്രദേശങ്ങളിലൊക്കെ സഞ്ചരിക്കുമ്പോൾ എന്നെ കാണാനും ഫോട്ടോ എടുക്കാനുമായി വന്നിട്ടുള്ളവർക്കൊക്കെ ചോദിക്കാൻ ഒന്നുമാത്രം, അതുപോലൊന്ന് ഇനിയെന്ന്.. ? കള്ളനും ഭഗവതിയും മൂന്നാമത്തെ ആഴ്ചയും ഒരുപിടി തിയേറ്ററുകളിൽ മുന്നേറുന്ന സന്തോഷം എന്നിലുണർത്തുന്ന വികാരങ്ങൾ എനിക്ക് നൽകുന്ന സംതൃപ്‌തിയോടെ ഈ വിഷുവിന്റെ സുദിനത്തിൽ എന്റെ പ്രിയപ്പെട്ടവരോട് എനിക്ക് പറയാനുള്ളത്, “അധികം വൈകാതെ…” കാത്തിരിക്കാം.. കാതോർത്തിരിക്കാം..’