കോഴിക്കോട് തെരുവുകളുടെ കഥ പറഞ്ഞ് ‘മിഠായിത്തെരുവ്’ ടൗൺഹാളിൽ അരങ്ങേറി

കോഴിക്കോട്ടെ പ്രധാന തെരുവായ മിഠായിത്തെരുവിൻ്റെ പശ്ചാത്തലത്തിൽ പുരോഗമിക്കുന്ന നാടകം കോഴിക്കോട്ടെ മറ്റ് തെരുവുകളിലൂടെയും സഞ്ചരിക്കുന്നുണ്ട്. രണ്ട് മണിക്കൂറാണ് നാടകത്തിൻ്റെ ദൈർഘ്യം. കോഴിക്കോടിൻ്റെ പ്രിയ എഴുത്തുകാരെയും നാടകത്തിൽ അടയാളപ്പെടുത്തുന്നുണ്ട് എന്ന പ്രത്യേകതയുണ്ട് മിഠായിത്തെരുവ് ഡ്രാമയ്ക്. കോഴിക്കോട് രംഗഭാഷ അവതരിപ്പിച്ച നാടകത്തിൻ്റെ രചന പ്രദീപ് കുമാർ കാവുന്തറയാണ്. രാജീവ് മമ്മിളിയാണ് സംവിധാനം. ഗിരീഷ് രവി, മനോജ് കോതമംഗലം, ജോഷി കാളാരൻ, അജയ് ദേവ്, സന്ധ്യാ വിനോദ്, മിത്ര പാറു തുടങ്ങിയവരാണ്  മിഠായിത്തെരുവിലെ പ്രധാന കഥാപാത്രങ്ങളെ അവതരിപ്പിച്ചത്. മികച്ച ജനപ്രിയ നാടകത്തിനുള്ള പുരസ്കാരങ്ങൾ ഉൾപ്പെടെ നിരവധി അംഗീകാരങ്ങൾ മിഠായിത്തെരുവിന് ലഭിച്ചിട്ടുണ്ട്.

advertisement