അഞ്ച് ദിവസത്തിനുള്ളില്‍ ഫ്ളാറ്റുകളില്‍ നിന്ന് ഒഴിയണമെന്ന് വ്യക്തമാക്കി കഴിഞ്ഞ ചൊവ്വാഴ്ചയാണ് ഉടമകള്‍ക്ക് മരട് നഗരസഭ നോട്ടീസ് നല്‍കിയത്. നോട്ടീസ് കാലാവധി ഇന്നലെ അര്‍ദ്ധരാത്രിയോടെയാണ് അവസാനിച്ചത്.
സർക്കാർ സര്‍വകക്ഷി യോഗം വിളിച്ചിരിക്കുന്ന സാഹചര്യത്തില്‍ യോഗത്തിന് ശേഷം മാത്രമേ സര്‍ക്കാര്‍ തീരുമാനമുണ്ടാകൂ. അതേസമയം നഗരസഭ നോട്ടീസ് നല്‍കിയത് നിയമാനുസൃതമല്ലെന്ന് ആരോപിച്ചാകും ഫ്ലാറ്റുടുമകൾ ഇന്ന് ഹൈക്കോടതിയെ സമീപിക്കുക. അതേസമയം വിഷയത്തില്‍ ഉത്തരവാദിത്തമില്ലെന്നും നികുതി അടയ്ക്കുന്നത് ഫ്ലാറ്റ് ഉടമകളാണെന്നും ചൂണ്ടിക്കാട്ടി നഗരസഭയുടെ നോട്ടീസിന് ആല്‍ഫ ഫ്‌ളാറ്റ് നിര്‍മ്മാതാക്കള്‍ മറുപടി നല്‍കിയിരുന്നു.
advertisement
ഫ്ളാറ്റുടമകളുടെ സമരത്തിന് പിന്തുണ പ്രഖ്യാപിച്ച് മുൻ മുഖ്യമന്ത്രി ഉമ്മന്‍ ചാണ്ടി, കുഞ്ഞാലിക്കുട്ടി എം.പി ഉൾപ്പെടെയുള്ള നേതാക്കള്‍ ഇന്ന് മരടിലെത്തും. ഹോളി ഫെയ്ത്ത് ഫ്ളാറ്റിലേക്ക് കോണ്‍ഗ്രസ് സംഘടിപ്പിക്കുന്ന മാര്‍ച്ച് ഉമ്മന്‍ ചാണ്ടി ഉദ്ഘാടനം ചെയ്യും.
Also Read ഉത്തരവാദിത്തമില്ല, ഉടമകളെ കൈയൊഴിഞ്ഞ് ഫ്ലാറ്റ് നിർമാതാക്കൾ