തെരഞ്ഞെടുപ്പ് പ്രചാരണത്തിൽ മതത്തിന്‍റെയും ദൈവത്തിന്‍റെയും പേരു ഉപയോഗിക്കരുതെന്നും ശബരിമലയുടെ പേരിൽ വോട്ടു തേടാൻ പാടില്ലെന്നും തെരഞ്ഞെടുപ്പ് കമ്മീഷൻ കഴിഞ്ഞദിവസം നിർദ്ദേശിച്ചിരുന്നു. ഇതിനു മറുപടിയായാണ് പി.സി ജോർജ് ഇങ്ങനെ പറഞ്ഞത്.
ശബരിമല തെരഞ്ഞെടുപ്പ് വിഷയമാകുമെന്ന് കുമ്മനം രാജശേഖരൻ
അതേസമയം, പത്തനംതിട്ടയിൽ മത്സരിക്കാൻ ആഗ്രഹമുണ്ടെന്നും പി.സി ജോർജ് വ്യക്തമാക്കി. പഴയ കേരള കോൺഗ്രസുകൾ യോജിച്ച് വരുന്നത് നല്ലതാണെന്നും അദ്ദേഹം പറഞ്ഞു. പി.ജെ.ജോസഫിന് സീറ്റ് നൽകുകയെന്നത് സാമാന്യ മര്യാദയാണെന്നും സ്ഥിരം തോൽവിക്കാരനായ ചാഴിക്കാടനെ സ്ഥാനാർഥിയാക്കിയത് ജനാധിപത്യ മര്യാദകേടാണെന്നും പി.സി ജോർജ് പറഞ്ഞു.
advertisement
ജോസഫിനോട് ചെയ്തത് വഞ്ചനയും കുതികാൽ വെട്ടുമാണ്. ജോസഫ് യുദ്ധം ചെയ്യാനായി വന്നാൽ ജനാധിപത്യവിശ്വാസികളുടെ പിന്തുണയുണ്ടാകും. ജോസഫിനെ സഹായിക്കണമെങ്കിൽ ചർച്ച ആവശ്യമാണെന്നും പി.സി ജോർജ് പറഞ്ഞു.