സ്നേഹം കൊണ്ട് വീർപ്പുമുട്ടിച്ച വയനാടിന് നന്ദി അറിയിച്ച് രാഹുൽ ഗാന്ധി

വയനാട്ടിലെ ജനങ്ങൾ സ്നേഹവും വാത്സല്യവും കൊണ്ട് തന്നെ മൂടിയിരിക്കുന്നു. നിങ്ങളുടെ പിന്തുണയ്ക്കും ഉഷ്മളമായ സ്വാഗതത്തിനും നന്ദി.

ഞങ്ങളുടെ റോഡ് ഷോയ്ക്കിടയിൽ പരുക്കേറ്റ മാധ്യമപ്രവർത്തകർ എത്രയും പെട്ടെന്ന് സുഖം പ്രാപിക്കട്ടെയെന്ന് ആശംസിക്കുന്നു.

രാഹുൽ ഗാന്ധി നാമനിർദ്ദേശപത്രിക സമർപ്പിച്ചതിനു തൊട്ടു പിന്നാലെ സഹോദരിയും എ.ഐ.സി.സി ജനറൽ സെക്രട്ടറിയുമായ പ്രിയങ്ക ഗാന്ധി ട്വീറ്റ് ചെയ്തിരുന്നു. വയനാടിനെ രാഹുൽ കൈവിടില്ലെന്ന് വ്യക്തമാക്കുന്നതായിരുന്നു ട്വീറ്റ്.

പ്രിയങ്ക ഗാന്ധിയുടെ ട്വീറ്റ് ഇങ്ങനെ,

"എന്‍റെ സഹോദരൻ, എന്‍റെ സത്യസന്ധനായ സുഹൃത്ത്, എനിക്കിതു വരെ അറിയാവുന്നവരിൽ ഏറ്റവും ധൈര്യമുള്ളവൻ. വയനാട് രാഹുലിനെ നോക്കിക്കോണേ, വയനാടിനെ രാഹുൽ കൈവിടില്ല"