രാഹുലിന്റെ പ്രസംഗം പരിഭാഷ ചെയ്ത് താരമായി സഫ

സ്കൂളിലെ സയൻസ് ലാബ് ഉദ്ഘാടനത്തിനായാണ് രാഹുൽ സ്കൂളിലെത്തിയത്. പ്രസംഗം ആരംഭിച്ചപ്പോൾ രാഹുൽ തന്നെയാണ് കുട്ടികളിൽ ആരെങ്കിലും പരിഭാഷ നടത്താൻ തയ്യാറാണോ എന്ന് ചോദിച്ചത്. ആദ്യം കുട്ടികൾ ഒന്ന് അമ്പരന്നെങ്കിലും സഫ ധൈര്യസമേതം വേദിയിലെത്തി.

Also Read- കളമശേരി കുട്ടിയെ തട്ടിക്കൊണ്ടു പോകൽ കേസ്: യഥാർത്ഥത്തിൽ സംഭവിച്ചത് എന്ത് ?

യാതൊരു സങ്കോചവും ആശങ്കയുമില്ലാതെ സഫ രാഹുലിന്റെ വാക്കുകൾ പരിഭാഷപ്പെടുത്തി. രാഹുലിന്റെ വാക്കുകളിലെ അർഥം മനസ്സിലാക്കി അത് വളരെ വ്യക്തമായി തന്നെ സഫ പരിഭാഷപ്പെടുത്തി. പ്രസംഗം കഴിഞ്ഞപ്പോൾ സഫയ്ക്ക് നന്ദി പറയാനും രാഹുൽ മറന്നില്ല.

advertisement

ഒപ്പം രാഹുലിന്റെ വക ഒരു ചോക്ലേറ്റ് സമ്മാനവും.രാഹുൽ ഗാന്ധിയോടൊപ്പം വേദി പങ്കിടാൻ കഴിഞ്ഞതിൽ വലിയ സന്തോഷത്തിലാണ് സഫ. പ്രതീക്ഷിക്കാതെ ലഭിച്ച അവസരമാണിതെന്നും രാഹുൽ ഗാന്ധിയെ ഏറെ ഇഷ്ടമാണെന്നും സഫ പറഞ്ഞു.